भारतकाे उत्तरकाशी खोलामा परेकी नेपाली महिला अझै बेपत्ता
उत्तरकाशी, भारत – नयाँ वर्षको अवसर पारेर आफन्त भेट्न भारतको उत्तरकाशी पुगेकी एक नेपाली महिला खोलामा परेकी छन्। तर घटनापछि २४ घण्टाभन्दा बढी समय बितिसक्दा पनि कुनै औपचारिक खोजी कार्य सुरु नभएको भन्दै परिवार र आफन्तहरूले गम्भीर चिन्ता व्यक्त गरेका छन्।
बेपत्ता भएकी महिला जाजरकोट जिल्ला, कुसे गाउँपालिका–२ टालेगाउँ लाम्पाटकी ३५ वर्षीया बिन्दा शाही हुन्। हाल काठमाडौंमा बस्दै आएकी शाही नयाँ वर्ष मनाउन आफ्नी छोरीसहित उत्तरकाशी गएकी थिइन्, जहाँ उनीहरूका केही आफन्तहरू र अन्य नेपालीहरू पनि बसोबास गर्छन्।
परिवारका अनुसार, बिहीबार दिउँसो करिब ३ बजे बिन्दा शाही एक स्थानीय खोलामा अचानक परेकी थिइन्। उक्त घटना भिडियोमा पनि कैद भएको छ, तर यति ठूला प्रमाण हुँदाहुँदै पनि हालसम्म खोजी कार्य थालिएको छैन।
बिन्दा शाही विवाहित हुन्। उनका श्रीमान् पूर्ण बहादुर शाहीले घटनाप्रति गहिरो दुःख व्यक्त गर्दै खोजी...
