मनाेरन्जन

काठमाडौं । नेपाली तीज गीत–संगीतको मौसमसँगै चर्चित गायिका उषा गजुरेल नयाँ सिर्जना ‘रातो चुरा रातै सारी’ लिएर दर्शक तथा श्रोतामाझ उपस्थित भएकी छन्। परम्परागत नेपाली तीजको मौलिक स्वाद, नारीका भावना, संस्कृति, प्रेम, उत्सव र पारिवारिक सम्बन्धलाई समेटेर तयार गरिएको यस गीतले सार्वजनिक भएसँगै सामाजिक सञ्जालदेखि संगीतप्रेमीमाझ सकारात्मक चर्चा बटुल्न थालेको छ। नेपाली समाजमा तीज केवल पर्व मात्र होइन, नारीको आत्मीय भावना, खुशी, पीडा, आशा र उत्सवको संगमका रूपमा लिइन्छ। यही भावनालाई आधुनिक प्रस्तुतिसँग जोड्दै तयार गरिएको ‘रातो चुरा रातै सारी’ ले नेपाली तीज गीतको मौलिकपनलाई जोगाउने प्रयास गरेको देखिन्छ। गीतको शीर्षकले नै रातो चुरा र रातो सारीको सांस्कृतिक महत्त्वलाई जीवन्त रूपमा प्रस्तुत गर्ने संकेत दिन्छ। यस गीतका शब्द पद्मा प्रधान ले सिर्जना गरेकी हुन् भने स्वर, संगीत तथा भाव अभिव्यक्ति स्वयं उषा गज...