पेरिसडाँडामा आयोजना गरेको विचार गोष्ठी दलित अधिकारकाे प्रश्नमा केन्द्रित
काठमाडौं । नेपाल दलित मुक्ति मोर्चाले शनिबार दिउँसो नेकपा (माओवादी केन्द्र)को पार्टी कार्यालय, पेरिसडाँडामा आयोजना गरेको विचार गोष्ठी दलित अधिकारकाे प्रश्नमा केन्द्रित रह्याे । ‘नेपालमा दलित अधिकारको अवस्था, नीतिको विकास र कार्यान्वयनमा चुनौती’ शीर्षकको गोष्ठीमा दलित बुद्धिजीविदेखि पार्टी शीर्ष नेतासम्मका धारणा प्रस्तुत भए । कार्यक्रमले दलित अधिकारका सवालमा माओवादी आन्दोलनले दिएको योगदान र त्यसैसँगै देखिएका कमी-कमजोरी दुवैलाई उजागर गर्यो ।
अध्येता जेबी विश्वकर्माले गोष्ठिको सुरुवातै कठोर आलोचनाबाट गरे । उनका अनुसार माओवादीको दश वर्षे जनयुद्धले सामन्तसँग आँखा जुधाएर बोल्ने हैसियत दलित समुदायलाई दियो । जनयुद्धको पहिलो शहीद दिलबहादुर रम्तेलसमेत दलित हुनु यस समुदायको योगदानको प्रतीक हो । तर, आज दलित अधिकारको सवालमा प्रतिगमन भइरहेको उनको तर्क थियो ।
‘माओवादीको २५ जना पदाधिकारीमध्ये ६४ प्र...
