राष्ट्रिय

तुफान न्युजको लागि समिक्षा थापाको रिपोर्ट काठमाडौँ।  काठमाडौँ उपत्यकामा केही दिनयता खाना पकाउने एलपी ग्यासको चरम अभाव देखिएको छ। बजारमा ग्यास सहज रूपमा उपलब्ध नहुँदा सर्वसाधारणको दैनिक जीवन कष्टकर बन्दै गएको छ। घरमा खाना पकाउन समेत समस्या भएपछि उपभोक्ता बिहानैदेखि खाली सिलिन्डर बोकेर विभिन्न ग्यास डिपोमा लामो लाइन बस्न बाध्य भएका छन्। उपभोक्ताका अनुसार ओम, सिद्धार्थ, नेपाल लगायतका ग्यास कम्पनीका डिपोमा बिहानदेखि लाइन बसे पनि तत्काल ग्यास प्राप्त हुन नसक्ने अवस्था छ। कतिपयले एक हप्तासम्म पालो कुर्नुपरेपछि मात्र ग्यास पाउने गरेको गुनासो गरेका छन्। ग्यास विक्रेताहरूका अनुसार मागअनुसार पर्याप्त सिलिन्डर तथा ग्यास आपूर्ति हुन नसक्दा ग्राहकलाई वितरण गर्न कठिनाइ भइरहेको छ। यसको प्रत्यक्ष असर सर्वसाधारणको दैनिकीमा मात्र होइन, साना होटल, रेस्टुरेन्ट, होस्टल तथा अन्य ग्यासमा निर्भर व्यवसायमा समे...