अर्थवाणिज्य

काठमाडौं। नेपाल घरेलु तथा साना उद्योग महासंघको २६औँ राष्ट्रिय महाधिवेशनबाट ग्रील तथा स्टील व्यवसायी महासंघ नेपालका संस्थापक अध्यक्ष मोहन कटुवाल बस्तुगततर्फको उपाध्यक्ष पदमा निर्विरोध निर्वाचित भएका छन्। ललितपुरमा आइतबारदेखि सुरु भएको महासंघको महाधिवेशनले देशभरका घरेलु, साना तथा लघु उद्योगी–व्यवसायीहरूको साझा नेतृत्व चयन गर्ने क्रममा कटुवाललाई सर्वसम्मत रूपमा बस्तुगत उपाध्यक्षको जिम्मेवारी दिएको हो। उनको निर्विरोध चयनलाई ग्रील तथा स्टील उद्योग क्षेत्रका साथै समग्र घरेलु तथा साना उद्योग क्षेत्रमा सक्रिय व्यवसायीहरूले सकारात्मक रूपमा लिएका छन्। लामो समयदेखि स्वरोजगार, साना उद्योगको प्रवर्द्धन तथा उद्यमशीलताको विकासमा सक्रिय रहँदै आएका कटुवाल ग्रील तथा स्टील व्यवसायी महासंघ नेपालका संस्थापक अध्यक्षका रूपमा परिचित छन्। उनले आफ्नो नेतृत्वकालमा ग्रील तथा स्टील व्यवसायलाई व्यवस्थित, मर्यादित र स...