Author: तुफान न्यूज

काठमाडौं / बागमती प्रदेश सरकार, संस्कृति तथा पर्यटन मन्त्रालय अन्तर्गत पर्यटन कार्यालय काठमाडौं र रैथाने संरक्षण नेपालको आयोजनामा तथा होटल एसोसिएसन नेपालको समन्वयमा होटल व्यवसायीका लागि आतिथ्य व्यवस्थापन सम्बन्धी एकदिने तालिम सम्पन्न भएको छ। तालिम मंगलबार काठमाडौंस्थित होटल रामायणमा आयोजना गरिएको थियो। होटल व्यवसायीलाई आतिथ्य व्यवस्थापन, होटल सञ्चालन सम्बन्धी कानुनी व्यवस्था तथा होटलमा रैथाने कृषि उत्पादन, परिकार, सीप र प्रविधिको महत्वबारे जानकारी गराउने उद्देश्यले तालिम आयोजना गरिएको हो। तालिमको उद्घाटन पर्यटन कार्यालय काठमाडौंका प्रमुख पवनकुमार पोखरेलले बिरुवामा पानी सिँचेर गरेका थिए। उद्घाटन कार्यक्रममा उनले नेपालको पर्यटन विकासका लागि स्थानीय उत्पादन, मौलिक खानाका परिकार र गुणस्तरीय आतिथ्य सेवाको प्रवर्द्धन आवश्यक रहेको बताए। साथै, पर्यटन कार्यालयले सञ्चालन गर्दै आएका सेवा र कार्...