समाचार

काठमाडौँ । मुख्य सचिव एकनारायण अर्यालले सरकारले अध्यादेश जारी गर्नुपर्ने कारणबारे प्रस्ट्याएका छन् ।   बुधवार प्रधानमन्त्रीको कार्यालयमा आयोजित पत्रकार सम्मेलनमा मुख्यसचिव अर्यालले पुस २६ गते बसेको मन्त्रिपरिषद् बैठकले विभिन्न ५ अध्यादेश जारी गर्न सिफारिस गरेको बताए ।   ‘२९ वटा ऐन संशोधनका लागि सिफारिस भएकामा ती सबै जारी भएका छन्’ मुख्यसचिव अर्यालले जानकारी दिए ।   उनले अध्यादेश जारी गर्नुपर्ने कारणमा सुशासन कायम गर्न, सरकारी कामकाजको ढिलासुस्ती अन्त्य गर्न, आर्थिक क्षेत्रलाई चलायमान बनाउन, विकास निर्माणको गतिलाई तीव्रता दिन रहेको बताए । साथै उनले सरकारी लगानीको प्रतिफल वृद्धि, स्वदेशी तथा विदेशी लगानी वृद्धि गर्न, सुकुम्वासी र अव्यवस्थित बसोबासको समाधान गर्न अध्यादेश सहयोगी बन्ने बताए । ...

काठमाडौँ । राष्ट्रिय स्वतन्त्र पार्टी (रास्वपा) का निलम्बित सभापति रवि लामिछानेले स्वर्णलक्ष्मी सहकारी ठगी प्रकरणमा आफू विरुद्धको मुद्दा खारेज हुनुपर्ने जिकिर गरेका छन् । काठमाडौँ जिल्ला अदालतमा बुधबार भएको थुनछेक बहसका क्रममा उनले सो कुरा बताएका हुन् । यो मुद्दाको प्रक्रिया नै पूरा नभएकाले यसलाई खारेज गर्नुपर्ने न्यायाधीशसमक्ष लामिछानेको तर्क थियो । प्रक्रिया पूरा नहुँदा आफ्नो नागरिकता खारेज भएको स्मरण गराउँदै उनले यो मुद्दामा सोही तरिकाले आएकाले यसलाई खारेज गरिनुपर्ने उनले बताए ।   ‘ड्यु प्रोसेस पूरा नगरेको अवस्थामा मेरो नागरिकता खारेज भयो र मैले अर्को नागरिकता लिनुपर्‍यो,’ उनले भने, ‘प्रक्रिया पूरा नहुँदा के हुन्छ भन्ने नजिर म आफैँ हुँ । यो मुद्दा पनि ड्यु प्रोसेस पूरा नगरी आएको हुँदा यसलाई खारेज गर्नुपर्छ ।’ उनले आफ्नो लोकप्रियताको आधारमा गोर्खा मिडिया नेट...

काठमाडौं। पाँच महिनामा देशका विभिन्न जिल्लामा एक हजार एक सय १६ वटा आगलागीका घटना भएका छन् । ती घटनामा १६ जनाको मृत्यु भएको छ ।   नेपाल प्रहरीका प्रवक्ता एवं प्रहरी वरिष्ठ उपरीक्षक विश्वराज अधिकारीले ती आगलागीका घटनाबाट एक सय ४५ जना घाइते भएका जानकारी दिनुभयो । उहाँका अनुसार आगालागीबाट एक सय ९० घर, एक सय ३० गोठ, एउटा सरकारी कार्यालय र चार सय ५५ पशुचौपायको क्षति भएको छ । आगालागी नियन्त्रणका लागि आठ हजारभन्दा बढी प्रहरी परिचालन गरिएको थियो । आगालगीबाट करिब रु ५० करोड बराबर क्षति भएको प्रवक्ता अधिकारीले बताउँदै २९ परिवार विस्थापित भएका जानकारी दिए । सबैभन्दा बढी कोशी प्रदेशमा तीन सय ३१ स्थानमा आगलागी भएका छन् । प्रहरीले मङ्गलबार सार्वजनिक गरेको विवरणअनुसार मधेश प्रदेशमा दुई सय ६९, बागमतीमा ७०, काठमाडौँ उपत्यकामा एक सय ४०, गण्डकी प्रदेशमा ८१, लुम्बिनीमा एक सय...

काठमाडौं। रक्तचन्दनसहित काठमाडौंको पेप्सीकोलाबाट प्रहरीले दुई जनालाई नियन्त्रणमा लिएको छ। मंगलबार साँझ काठमाडौं महानगरपालिका वडा नम्बर १४ का ४१ वर्षीय रमेश थापा र सिन्धुपाल्चोक घर भई पेप्सीकोला बस्दै आएका ४० वर्षीय ज्ञानबहादुर तिमल्सिनालाई प्रहरीले पक्राउ गरेको हो।   रक्तचन्दन कारोबार गरिरहेको सूचनाका आधारमा उनीहरूलाई नियन्त्रणमा लिइएको काठमाडौं उपत्यका अपराध अनुसन्धान कार्यालयका एसपी काजी आचार्यले बताए। 'उनीहरूको साथबाट ४ सय ६२ किलो रक्तचन्दन फेला परेको थियो, बोरा र डोरी छुट्याएर जोख्दा ४ सय ३२ किलो रक्तचन्दन देखिएको छ,' एसपी आचार्यले भने।   उनीहरूले भारतबाट रक्तचन्दन ल्याएर तिमल्सिनाको कोठामा राखेका थिए। तिमल्सिना भने पेप्सीकोलामा कोठा भाडामा  बस्दै आएका थिए। यो रक्तचन्दन कहिले, कसरी ल्याएका थिए र कसका लागि ल्याएका थियो भन्ने खुलिसकेको ...