जाडोले कठ्याङ्ग्रिएको सदाय बस्ती
काठमाडौँ । यतिखेर तराई–मधेसमा अत्यधिक चिसो छ । पछिल्ला केही दिनदेखि लागेको कुहिरो र निरन्तर चलेको हावाका कारण चिसो बढेको हो ।
चिसोले गर्दा सिरहाका विपन्न मुसहर समुदायहरूको जीवन कष्टकर बनेको छ । प्राकृतिक प्रकोपले पनि गरिबलाई कसरी पिरोल्छ भन्ने उदाहरण हो, सिरहाको नरहा गाउँपालिका वडा नम्बर ३ खोरियाका सदाय (मुसहर) बस्ती ।
यो बस्ती पूर्वपश्चिम राजमार्ग अन्तर्गत नयाँ चोहर्वादेखि दक्षिण करिब पाँच सय मिटरको दुरीमा छ । जहाँ ६० घर परिवार बस्छन् । बस्तीमा सदायहरु मात्र ४५ घर छन् । बाँकी १५ घर महरा, उराउँ समुदाय छन् ।
यही बस्तीको एक छाप्रोमा बस्छन्, ६५ वर्षीय शुक्रा सदाय र उनकी श्रीमती जंगली सदाय । शुक्रा क्षयरोगबाट पीडित छन् । श्रीमती जंगली दुवै आँखा देख्दैनन् । उनीहरूका तीन जना छोरीहरू विवाह भएर गइसकेका छन् ।
शुक्राले प्राप्त गर्ने सामाजिक सुरक्षा भत्ता र चोकमा मा...
