चुनाव

आयोगका अनुसार अहिलेसम्म ९५ लाख ७३ हजार ७५ मत गनिसकिएको छ। निर्वाचन आयोगका अनुसार कूल खसेको मतको संख्या १ करोड ९ लाख ७० हजार हो। अहिलेसम्मको आकलनअनुसार यीमध्ये ३ लाख मत बदर भएका छन्। यसो हुँदा कूल सदर मतको संख्या १ करोड ६ लाख ७० हजार हुन आउँछ। यसको ३ प्रतिशत अर्थात् ३ लाख २० हजार मतलाई थ्रेसहोल्डको सीमा मानिएको छ। प्रत्यक्षतर्फ १७ सिटका साथ तेस्रो स्थानमा रहेको माओवादी अहिलेसम्म समानुपातिकतर्फ पनि तेश्रै स्थानमा छ। पहिलो स्थानमा एमाले र दोस्रो स्थानमा नेपाली कांग्रेस छन्। चौथो स्थानमा भने राष्ट्रिय स्वतन्त्र पार्टी छ। नेकपा माओवादी केन्द्रले प्रतिनिधिसभाको समानुपातिकतर्फ ११ लाख मत कटाएको छ । मंगलबार बिहान १०:३०  बजेको अद्यावधिक विवरणअनुसार माओवादी केन्द्रले ११ लाख १ हजार ७२९ मत पाएको हो । ११ लाख मत कटाएर माओवादी केन्द्रले तेस्रो स्थान हासिल गर्दा २५ लाख ८६ हजार मतसहित नेकपा एमालेले...

१३ मंसिर, काठमाडौं । आम निर्वाचनमा बालबालिकासम्बन्धी आचारसंहिता उल्लंघनका २१८ घटनामा बालबालिका शान्ति क्षेत्र राष्ट्रिय अभियान (सिजप) ले निर्वाचन आयोगमा उजुरी दिएको छ । उजुरीमा २५ विद्यालय, एक विद्यालय बस र ४ जना शिक्षक प्रयोग भएको भन्दै सिजपले आयोगमा उजुरी दिएको अध्यक्ष राजेश शर्माले बताए । उनका अनुसार ३० वैशाखमा भएको स्थानीय तह निर्वाचनका बेला ११५ वटा उजुरी सिजपले आयोगमा दिएको थियो । सोमबार राजधानीमा एक कार्यक्रम आयोजना गरी शर्माले उजुरीबारे संक्षिप्त विवरण सार्वजनिक गरे । त्यसक्रममा उजुरी परेका मध्ये सबैभन्दा बढी लोकतान्त्रिक वाम गठबन्धनका दलहरुबाट ९८, नेकपा एमालेबाट ७१ र अन्य सात दलबाट ३४ वटा रहेको बताइयो । कुल उजुरीमध्ये १४४ वटा बालबालिकालाई प्रचारप्रसार तथा र्‍यालीमा प्रयोग गरिएका, १२ वटा घरदैलोमा प्रयोग गरिएका, १८ वटा आमसभा, १३ वटा प्रचार सामग्रीमा प्रयोग गरिएका र २९...

प्रतिनिधिसभा समानुपातिकतर्फको मतगणना जारी छ। निर्वाचन आयोगले छिनछिनमा यसको अध्यावधिक गरिरहेको छ।यस क्रममा केही दल आपसमा कहिले अघि कहिले पछि भइरहेका छन् । यो खबर तयार पार्दासम्म राष्ट्रिय स्वतन्त्र पार्टीले फेरि नेकपा माओवादी केन्द्रलाई उछिनेको छ। सुरुमा माओवादी केन्द्रभन्दा अगाडि रहेको राष्ट्रिय स्वतन्त्र पार्टी बीचमा पछि परेको थियो। तर अहिले १० लाख ६० हजार ८ सय ८९ मतका साथ ऊ माओवादी केन्द्रभन्दा अघि भएको हो। यही समयमा माओवादी केन्द्रले भने १० लाख ५४ हजार ९ सय ९७ समानुपातिक मत प्राप्त गरेको छ। यस्तै नेकपा एकीकृत समाजवादी र जनमत पार्टी पनि आपसमा अघिपछि भइरहने दल हुन्। यो खबर तयार पार्दा भने जनमत पार्टी फेरि एकीकृत समाजवादी भन्दा अघि लागेको छ। ताजा तथ्यांकअनुसार जनमत पार्टीले २ लाख ५६ हजार ३३ मत प्राप्त गरेको छ भने ऊभन्दा पछि एकीकृत समाजवादीले २ लाख ४९ हजार १ सय १८ समानुपातिक मत प्राप्...

( ९ मंसिर  शुक्रबार बिहान १०:४० बजे)समा निर्वाचन आयाेगकाे अध्यावधिक  तथ्यांकअनुसार एमालेले १० लाख ४ हजार १ सय ६२ समानुपातिक मत प्राप्त गरेको छ। दोस्रो स्थानमा रहेको नेपाली कांग्रेसले ९ लाख ५५ हजार ९ सय ८९ मत ल्याएको छ भने तेस्रो स्थानमा रहेको राष्ट्रिय स्वतन्त्र पार्टीले राष्ट्रिय स्वतन्त्र पार्टीले ४ लाख ७८ हजार १ सय ८० मत प्राप्त गरेको छ। आयोगको विवरणअनुसार चौथो स्थानमा रहेको नेकपा माओवादी केन्द्रले अहिलेसम्म ४ लाख ४२ हजार ३८ समानुपातिक मत पाएको छ भने पाँचौँ स्थानमा रहँदै राष्ट्रिय प्रजातन्त्र पार्टीले राष्ट्रिय प्रजातन्त्र पार्टीले २ लाख ५५ हजार ५६ समानुपातिक मत ल्याएको छ। छैठौं स्थानमा रहेको जनता समाजवादी पार्टी (जसपा) ले १ लाख २७ हजार ९ सय ८३ समानुपातिक मत पाएको छ भने ७५ हजार ८ सय ५३ मतका साथ जनमत पार्टी समानुपातिकतर्फ सातौं स्थानमा छ।...

९ मंसिर काठमाडौं ।प्रदेशसभातर्फका दुवै सिटसहित आफू प्रतिनिधि सभामा  विजयी भएका शर्माले ‘अग्रगामी जनताको जित’ को रुपमा आफूहरुको विजयी भएको बताएका छन । रूकुम पश्चिमबाट प्रतिनिधिसभामा भारी मतान्तरसहित विजयी भएका अर्थमन्त्री जनार्दन शर्माले रुकुमेली जनताको अपेक्षा पूरा गर्न आफू इमानदारी पूर्वक प्रयास गर्ने बताएका छन्। हामीसँग प्रतिस्पर्धामा सहभागी विभिन्न दल तथा स्वतन्त्र उम्मेदवारहरूका साथै पार्टीका सम्पूर्ण नेता–कार्यकर्ता, गठबन्धन नेता–कार्यकर्ता सबैमा हार्दिक आभारसहित धन्यवाद व्यक्त गर्दछु,’ शर्माले भनेका छन्, ‘यो जित अग्रगामी जनताको जित हो।’ उत्पादन, रोजगार, समृद्धि सामाजिक, सांस्कृतिक रूपान्तरण अभियानमार्फत रूकुम जिल्लालाई समृद्ध र समुन्नत बनाउन आफूहरुको साझा प्रयास हुने उनले मतदातालाई धन्यवाद दिँदै उल्लेख गरेका छन्।अब त्यो आधारमा टेकेर कृषिलाई उद्योगसँग जोड्दै गुणात्मक विकासमा ...

८ मंसिर, चितवन । राष्ट्रिय स्वतन्त्र पार्टीका अध्यक्ष रवि लामिछानेले ठूला दल सच्चिन र जनताका पक्षमा काम गर्न अन्तिम मौका आएको बताएका छन् । चितवन–२ बाट प्रतिनिधिसभामा निर्वाचित भएपछि भरतपुरको गेष्ट हाउस चौरमा आयोजित धन्यवाद सभामा सम्बोधन गरेका लामिछानेले जनताले अहिले पनि पुराना दलहरुलाई अन्तिम मौका दिएको बताए । ‘ठूला पार्टीलाई नेपाली जनताले अर्को एउटा मौका दिएका छन्, मौकाको दुरुपयोग नगर्नु होला, जनताको पक्षमा काम गर्नुहोला’, लामिछानेले भने, ‘अन्यथा अहिले मधुरो रुपमा बजेको घण्टी अर्को पाँच बर्षपछि देशभर चर्को रुपमा बज्ने छ, यो रोकिनेवाला छैन ।’ लामिछानेले जनताले दिएको शक्तिलाई जनताको हितमा काम गर्ने वाचा सबैले गर्नुपर्ने बताए । उनले जनताले दिएको शक्ति लिएर आफ्ना कार्यकर्ता र आपेपासे आफन्त पोस्ने काम मात्रै नगर्न आग्रह गरे । अब संसदमा कोही पनि भष्ट्राचारी छिर्न नपाउने भन्दै लामिछानेल...

८ मंसिर, काठमाडौं । प्रतिनिधिसभाको निर्वाचनको १०० निर्वाचन क्षेत्रको मतपरिणाम सार्वजनिक भएको छ । १०० निर्वाचन क्षेत्रको मत परिणामअनुसार नेपाली कांग्रेसले ३६ स्थानमा जित हात पारेको छ । कांग्रेसले जारी मतगणना भइरहेका ६२ क्षेत्रमा कांग्रेसले १८ स्थानमा अग्रता कायम राखेको छ । एमाले दोस्रो स्थानमा छ । एमाले २२ निर्वाचन क्षेत्रमा विजयी छ भने २५ स्थानमा अग्रता लिइरहेको छ । नेकपा माओवादी केन्द्रले ९ सिट जित्दा ७ सिटमा मात्रै अग्रता कायम गर्न सकेको छ । एकीकृत समाजवादीले ९ क्षेत्रमा निर्वाचन जितेको छ भने अझै एक स्थानमा अग्रता बनाएको छ । राष्ट्रिय स्वतन्त्र पार्टीले ७ स्थानमा जित हात पारेको छ भने एक क्षत्रेमा अग्रस्थानमा छ ।राप्रपाले ४ सिट जितिसकेको छ भने २ सिटमा अग्रता कायम गरेको छ । जसपाले २ सिट जितेर ४ स्थानको मतगणनामा अघि छ । २ सिट जितेको लोकतान्त्रिक समाजवादी पार्टीले २ क्षेत्रमा अग्रता...

८ मंसिर ललितपुर क्षेत्र नम्बर- ३ बाट राष्ट्रिय स्वतन्त्र पार्टीकी डा.तोसिमा कार्की विजयी भएकी छन्। प्रतिस्पर्धी भन्दा १८ हजार भन्दा धेरै मतान्तरसहित उनी विजयी भएकी हुन्। कार्कीले निकटतम प्रतिस्पर्धी नेकपा एमालेका अमृत भट्टराईलाई १८ हजार १७३ मतान्तरले पराजित गरेकी छन्। यो क्षेत्रमा नेकपा माओवादी केन्द्रकी पम्फा भुसाल तेस्रो भएकी छन्। केहीबेरअघि सार्वजनिक अन्तिम मत परिणाम अनुसार तोसिमाले ३१ हजार १३६ मत पाएकी छन् भने एमालेका अमृत खड्काले १२ हजार ९६३ मत पाएका छन्। ऊर्जामन्त्रीसमेत रहेकी माओवादी उपमहासचिव पम्फा भुसालले ८ हजार ७६९ मत मात्र पाएकी छन्। तोसिमा कार्की विजयी भए पनि औपचारिक घोषणा गर्न भने बाँकी रहेको मुख्य निर्वाचन अधिकृतले जानकारी  दिए।...

८ मंसिर जाजरकोट । नेकपा माओवादी केन्द्रका उप महासचिव  शक्ति बस्नेत प्रतिनिधिसभा सदस्यमा निर्वाचित भएका छन्। बस्नेत जाजरकोटबाट लगातार तेस्रोपटक निर्वाचित भएका हुन्। बस्नेतले ३४ हजार १ सय ५१ मत प्राप्त गरेको निर्वाचन आयोगले जनाएको छ। उनका निकटतम प्रतिद्वन्द्वी नेकपा एमालेका निरज आचार्यले २५ हजार १ सय २० मत प्राप्त गरेको निर्वाचन आयोगले जनाएको छ। बस्नेत ०७० र ०७४ सालको निर्वाचनमा पनि जाजरकोटबाटै निर्वाचित भएका थिए। माओवादी संसदीय राजनीतिमा आएपछि बस्नेत २०६८ सालमा स्वास्थ्य मन्त्री, २०७२ सालमा गृहमन्त्री र २०७४ सालमा वन मन्त्री भइसकेका छन्।...

७ मंसिर  काठमाडौं । काठमाडौं-७ पराजित भएपछि मानुषी यामी भट्टराईले आफूलाई मतदान गर्ने सबैलाई धन्यवाद दिँदै जित्नेलाई बधाई दिएकी छन् । रास्वपाबाट प्रतिनिधिसभामा निर्वाचित गणेश पराजुली, वाम लाेकतान्त्रिक गठबन्धनबाट प्रदेशसभा क बाट निर्वाचित बसन्त मानन्धर ख बाट निर्वाचित नेकपा एमालेका प्रकाश श्रेष्ठलाई बधाई दिएकी छन् । बुधबार विहान सामाजिक संजाल फेसबुकमा स्टाटस लेख्दै यामीले निर्वाचन अभियानका दौरान अहोरात्र खट्न लोकतान्त्रिक-वाम गठवन्धनका नेता कार्यकर्तालाई आभार समेत व्यक्त गरेकी छन् । यामीले आफू काठमाडौं-७ का जनताहरूसँग निरन्तर जोडिएर क्रियाशील रहिरहने र नवनिर्वाचित जनप्रतिनिधिहरूसँग सहकार्यमै रहने बताउँदै गलत काममा खबरदारी र सही काममा पूर्ण साथ रहने समेत प्रतिवद्धता जाहेर गरेकी छन् ।काठमाडौं निर्वाचन क्षेत्र नं. ७ का मतदाता-आमाबुवा, दिदीबहिनी, दाजुभाइ, युवा मित्रहरू सम्पूर्णमा हार्दिक धन्...