समाचार

काठमाडौं । मकवानपुरको हेटौंडाका सञ्जय बोगटी ललितपुरको गाबहालमा बस्दै आएका थिए। उनी हालै डेरा सरेर मंगलबजारनजिकै खपिन्छेँ टोलको एउटा घरमा बस्न थाले।   चैत १६ गते उनीहरू गाबहालबाट खपिन्छेँ टोलमा सरेका थिए। ‘हामी १६ गते आइपुग्यौं, त्यसदिन त अबेर रातिसम्मै सामानहरू ओसार्‍यौं,’ बोगटीले भने। पेसाले बोगटी प्लमर हुन्।   उनी डेरा सरेर आएको घरको भुइँ तलामा पानी संकलन गर्ने पुरानो ट्यांकी छ। करिब चार फिट गहिरो ट्याङ्की स्ल्याबले ढाकिएको थियो। पहिले डेरा गरी बसेको गाबहालमा पानीको समस्या थियो। त्यस्तो समस्या झेल्नु नपरोस् भनेर उनले पानी ट्यांकी सफा गरी पानी भरेर राख्ने तयारी गरेका थिए। ट्याङ्कीबाट किराहरू बाहिर आइरहन्थ्यो, त्यसैले पनि सफा गर्नुपर्ने थियो। बोगटी दम्पत्तिले ट्याङ्ककी सफा गर्न थाले। गत शुक्रबार बिहान ९ बजेतिर ट्यांकी सफा गर्ने...

काठमाडौं । सर्लाहीको बरहथवा नगरपालिका–१० स्थित कटानीमा रहेको ओम प्रकाश हर्बल इन्डस्ट्रीजमा गए राति आगलागी हुँदा लाखौं रुपैयाँ बराबरको क्षति भएको छ। आत्मा राम रायको सञ्चालनमा रहेको सो तेल उद्योगमा राति करिब ११ः५० बजे भीषण आगो लागेको थियो। आगलागीको खबर प्राप्त हुनासाथ इलाका प्रहरी कार्यालय मुर्तियाबाट प्रहरी नायब निरीक्षक उदय कुमार झाको नेतृत्वमा चार सदस्यीय प्रहरी टोली तत्काल घटनास्थलमा पुगेर उद्धार तथा आगो नियन्त्रण कार्यमा जुटेको थियो। प्रहरी टोली, स्थानीय बासिन्दा तथा दमकलको संयुक्त प्रयासपछि आगो करिब तीन घण्टापछि  पूर्ण रूपमा नियन्त्रणमा ल्याइएको थियो। प्रारम्भिक अनुमानअनुसार, आगलागीका कारण उद्योगमा भण्डारण गरिएको तेल उत्पादनमा प्रयोग हुने कच्चा पदार्थ तथा अन्य सामग्रीहरू पूर्वरूपमा जलेर करिब १२ लाख ३२ हजार रुपैयाँ बराबरको क्षति भएको प्रहरीले जनाएको छ। यद्यपि...

काठमाडौं । नेपाली सेनाका एक जवानको हतियार परीक्षण गर्ने क्रममा गोली लागेर मृत्यु भएको छ।   चितवन राष्ट्रिय निकुञ्जको सुरक्षार्थ तैनाथ नेपाली सेनाको नयाँ गोरख गणमा कार्यरत जवानको बिहान ९ बजेतिर हतियार परीक्षण गर्ने क्रममा दाहिने तिघ्रामा गोली लागेको थियो।   २२ वर्षीय जवान चन्द्र किशोर दासको चितवन मेडिकल कलेजमा उपचारको क्रममा मृत्यु भएको उक्त गणका गणपति शिवराम बस्न्यातले जानकारी दिए।   ...

काठमाडौं । काठमाडौंको आकाश शनिबार खुलेको छ।   बिहीबारदेखि पर्न थालेको पानीले काठमाडौं ढाकेको प्रदूषण केही पखालेको छ। शनिबार बिहान एक झर पानी परेपछि दिउँसोदेखि मौसम खुलेको हो।   झन्डै दुई सातादेखि काठमाडौंको वायुमण्डल प्रदूषित थियो।  उपत्यकासहित देशका विभिन्न भागको वायु मण्डलमा धुवाँ, धुलो भरिएको थियो। हावा विषाक्त बनेको थियो। भारतबाट भित्रिएको जलवाष्पयुक्त हावाको प्रभावले बिहीबार काठमाडौं लगायत अधिकांश भूभागमा वर्षा गराएको थियो।   अरब सागरबाट भित्रिएको जलवाष्पयुक्त हावाले शनिबार बिहानैदेखि गण्डकी, कर्णाली र लुम्बिनी प्रदेशका पहाडी भूभागमा वर्षा गराएको थियो। काठमाडौं लगायत बागमती प्रदेशका विभिन्न भूभागहरुमा पनि वर्षा भएको थियो। यसले अन्य भूभागहरूको प्रदूषण पनि हटाएको छ।   ...

काठमाडौं। अर्थ मन्त्रालयले आर्थिक वर्ष २०८२/०८३ का लागि बजेटको खाका कोर्न विधिवत रूपमा छलफल सुरु गरेको छ । गत फागुन २१ गते देखि समिति बनाएरै नयाँ बजेटको विषयमा छलफल सुरु गरेको अर्थ मन्त्रालयले बुधबारदेखि मन्त्रालयको ढोका नै बन्द गरेर बजेट खाका कोर्न गोप्य छलफल थालेको छ ।   अर्थ मन्त्रालयले आगामी आर्थिक वर्ष (२०८२/०८३) को बजेट निर्माणका लागि मन्त्रालयगत छलफल सकेको छ । चैत १५ गतेभित्रै सबै मन्त्रालय तथा मातहतका निकायहरूले बजेटको कार्यक्रम पेस गरेसँगै मन्त्रालयले खाका कोर्नका लागि छलफल थालेको हो ।   मन्त्रालयले आर्थिक वर्ष २०८२/०८३ को बजेट तर्जुमा सम्बन्धी ८ बुँदाको मार्गदर्शन दिएको थियो । उक्त मार्गदर्शनका आधारमा मन्त्रालयगत बजेट निर्माणका लागि भन्दै राजनीतिक तहमा मन्त्रालयले छलफल सकेको छ । बजेट खाका कोर्न छलफल थालिएसँगै अर्थ मन्त्रालय प्रवेशमा समेत कडाइ गर...

काठमाडौं।  सहकारी ठगी प्रकरणमा राष्ट्रिय स्वतन्त्र पार्टीका सभापति रवि लामिछानेलाई थुनामा पठाउने उच्च अदालत बुटवलको तुलसीपुर इजलासको निर्णयविरुद्ध सर्वोच्च अदालतमा रिट निवेदन दर्ता भएको छ ।   आज लामिछानेकी पत्नी निकिता पौडेलले सर्वोच्च पुगेर रिट दर्ता गरेकी हुन् ।   गत चैत २२ गते जिल्ला अदालत रूपन्देहीको आदेश बदर गर्दै न्यायाधीशद्वय रमेश ढकाल र स्वीकृति पराजुलीको संयुक्त इजलासले लामिछानेलाई थुनामा पठाउन आदेश दिएको थियो । ...

काठमाडौं। दैलेखको दुल्लु नगरपालिका वडा नम्बर ३  का ५० वर्षीय वडाध्यक्ष कुलबहादुर कार्कीलाई राति विद्युतको पोलमा बाँधेर निर्घात कुटपिट गरेको आरोपमा प्रहरीले तीन जनालाई पक्राउ गरेको छ।   चामुण्डा विन्द्रासैनी नगरपालिका वडा नम्बर ९ डौंसुरका चार जना युवाहरूको समूहले चैते दसैंको दिन राति ९ बजेतिर वडाध्यक्ष कार्कीलाई विद्युत पोलमा बाँधेर निर्घात कुटपिट गरेका थिए। कुटपिट गरिएका कार्की नेकपा (माओवादी) केन्द्रबाट निर्वाचित वडाध्यक्ष हुन्। कार्कीलाई राति पोलमा बाँधेर कुटपिट गरिएको भिडिओ फेसबुकमा राखिएको थियो।   दैलेखका प्रहरी प्रमुख डिएसपी सुनिल दाहालका अनुसार वडाध्यक्ष कार्कीले चैत २७ गते बेलुकी जिल्ला प्रहरी कार्यालयमा पुगेर आफूमाथि भएको कुटपिटमा संलग्न व्यक्तिहरूलाई कानुनी कारबाहीका लागि उजुरी दिएका थिए। कार्कीले कुटपिट गर्नेहरूविरूद्ध अपहरण तथा शरीर बन्ध...