Author: तुफान न्यूज

हेर्नुस् गाइज’ भन्ने वाक्यांश सुन्नासाथ मलाई घृणा लाग्ने भएको छ । सुत्केरी छटपटाउँदै ‘पानी पानी... बचाउ–बचाउ’ भनिरहेकी हुन्छिन्, यता एउटा युवक हतार–हतार मोबाइल खोल्छ र भन्छ— हेर्नुस् गाइज, एकजना सुत्केरी बाटोमा छटपटाउँदै छन्... सरकार कहाँ छ ? मानव सभ्यताको सुरुवातदेखि एक घरकाले अर्को घरकालाई सहयोग गर्दैै आएको हो, तर अहिले त्यो सद्भाव खै ? तल घरबाट आगो सल्काएर माथिल्लो घरमा खाना पकाउने पुर्खाका सन्तति कति चाँडै मतलबी र नकारात्मकतातिर हिँड्न सकेका । केही दिनअगाडि भारतमा इन्डियन प्रिमियर लिग चलिरहेको थियो, अनलाइनमा लाइभ हेर्न पसेँ, त्यहाँ सबैभन्दा बढी नेपाली नेतालाई असभ्य र अस्वाभाविक गालीको वर्षा चलिरहेको रहेछ । लाग्दैथ्यो कि क्रिकेट भारतमा चहिरहेको छ, नेपालमा गालीको विश्वकप । नेपाली नेताको पनौती लागेर कुनै टिमले गेम हार्ने या जित्नेझैँ ! बाबु समानको राष्ट्रका अग्रजलाई गाली–बेइज्जती गरेर ...

- सुशान्त न्यौपाने सुशासन र शून्य बेरूजुमा आफूलाई अग्र पङ्क्तिमा उभ्याउन सफल धादिङको बेनीघाट रोराङ गाउँपालिकाले स्थानीय प्रज्ञाप्रतिष्ठान गठनको अभ्यास आरम्भ गरेको छ । त्यसैका निम्ति यही असार ६ गते स्थानीय साहित्यकार तथा लब्ध प्रतिष्ठित अन्य साहित्यकारहरूलाई आमन्त्रण गरी यस्तो अभ्यासको थालनी गरेको हो । उसले पारिजात संरक्षण अभियानलाई सशक्त बनाउनको निम्ति यसै वर्ष देशभरका प्रतिनिधि स्रष्टालाई आमन्त्रित गरी प्रचारप्रसार गर्ने निधो पनि गरेको छ । गापा अध्यक्ष कृष्णबहादुर थपलिया(विवेक)ले अध्यक्षता गरेको उक्त कार्यक्रममा उनले सभ्यता नै विकासको सूचक हुने हुनाले भौतिक पूर्वाधार विकाससँगै कला साहित्यको विकासमा पनि कला, साहित्य र संस्कृतिको उत्थानको कडीलाई यसैसँग जोड्ने प्रतिबद्धता दोहोर्‍याए । उनले चेपाङ, चिउरी र चमेरोको मानक बनेको यो भूगोललाई साहित्योत्थानको परिचायक बनाउने घोषणा गरे । ...