समाचार

– माधव घिमिरे ‘अटल’ काठमाडौं । साहित्य सम्वर्द्वन केन्द्र नेपालको आयोजनामा साहित्य दिवस भव्य समारोहबीच मनाइएको छ । स्थानीय भानु मा.वि.को प्राङ्गणबाट सुरू भएको प्रभातफेरीमा अभिनव साहित्य समाज, मनोहरा साहित्य समाज, लोमश वाङ्मय प्रतिष्ठान, सुरभि साहित्य प्रतिष्ठान, अनुपम साहित्य प्रतिष्ठान, कर्मदा सिर्जना मञ्च, आनन्द आश्रम ज्ञान केन्द्र, हाम्रो लघुकथा केन्द्र, मुक्तिनाथ दर्शन साहित्य समाज, कथा यात्रा काठमाडौँ, नव प्रज्ञापन साहित्यिक पत्रिका लगायत डेढ दर्जन साहित्यिक सङ्घ, संस्थाको सहभागिता रहेको थियो । उक्त प्रभातफेरी टुँडिखेल परिक्रमा गरेर नेपाल प्रज्ञा-प्रतिष्ठानको प्राङ्गणमा समापन भएको थियो । त्यहाँ आयोजित सङ्क्षिप्त कार्यक्रममा सहभागी सङ्घ, संस्थालाई प्रमाण-पत्र अर्पण थियो । सो कार्यक्रमका प्रमुख अभ्यागत पूर्व जापानी राजदूत तथा विद्वत व्यक्तित्व डा.विष्णुहरि नेपालले जनताको समृद्धिका...