राजतन्त्र होइन, शान्ति र समुन्नत विकास आजकाे आवश्यकता : छविराज सिंह
काठमाडौं : पछिल्लो समय देशमा राजतन्त्र पुनःस्थापनाबारे चर्को बहस चलिरहेका बेला पत्रकार छबिराज सिंहले जनताको प्राथमिकता स्पष्ट रहेको बताएका छन्। उनले भनेका छन्, “जनताले राजा होइन, शान्ति र समुन्नत विकास खोजेका छन्।”
सिंहले सामाजिक सञ्जालमार्फत जारी गरेको सन्देशमा देशले भोग्दै आएको अस्थिरता, भ्रष्टाचार र विकासको गतिमा आएको अवरोधप्रति चिन्ता व्यक्त गरेका छन्। उनका अनुसार, राजनीतिक नेतृत्वले जनताको चाहनाअनुसार सुशासन र स्थायीत्व दिन नसक्दा निराशा बढिरहेको छ।
उनले भने, “राजतन्त्र फर्काउनु समाधान होइन। समाधान भनेको उत्तरदायी लोकतन्त्र, जवाफदेही सरकार र नागरिकको विश्वास जित्ने नेतृत्व हो।”
सिंहले वर्तमान राजनीतिक दलहरूलाई गम्भीर आत्ममूल्यांकन गर्न आग्रह गर्दै चेतावनी दिएका छन् कि जनताको धैर्य सीमित हुन्छ, र यदि जनताले परिवर्तन खोजेका हुन् भने त्यो परिवर्तन विकास र शान्तिको रूपमै हुनुपर्छ...
