काठमाडौं : धनगढीबाट बैतडीतर्फ जाँदै गरेको बस दुर्घटना भएको छ। शुक्रबार अपराह्न सुपप्र ०१००१ खा ३९६३ नम्बरको बस दुर्घटना भएको हो। बैतडीको पाटन नगरपालिका–८ स्थित गैराखानमा बस दुर्घटना भएको जिल्ला प्रहरी कार्यालय, बैतडीले जनाएको छ । प्रहरीका अनुसार, बस सडकबाट करिब दुई सय मिटर तल खसेको छ।
दुर्घटनामा क्षतिको विवरण भने आउन बाँकी छ ।...
डि.बि.पराजुलीको रिपोर्ट
काठमाडौं । काठमाडौं जिल्लाभर रहेर ग्रील तथा स्टील व्यवसाय गर्ने व्यवसायीहरुको एकमात्र संघको रुपमा रहेको ग्रील तथा स्टील व्यवसायी संघ काठमाडौंको आठौं बार्षिक साधारणसभा तथा चौथो अधिवेशनको उद्घाटन समारोह यहि २०८३ असार ०९ गते सम्पन्न भए पनि बन्दसत्रमा सहमति जुट्न नसकेपछि स्थगित भएको कार्यक्रम आज सम्म पनि सुचारु हुन सकेको छैन ।
कार्यक्रम स्थगित भए पछि व्यवसायी संघका नेतृत्वहरुबाटै समाजिक संजाल मार्फत बिभिन्न किसिमका टिका टिप्पणीहरु आउान थालेका छन् । समाजिक संजालको भाव अनुसार एकले अर्कालाई आरोप प्रत्यारोप लगाउँदै बसेको पाईएको छ ।
संघको संगठनलाई राज्यको पुनर्संरचना बमोजिम लैजाने भन्दै काठमाडौं जिल्ला समितिले काठमाडौं जिल्लामा १२ वटा नगर समितिहरु बनाउनको लागि त्यो भन्दा अगाडी अस्तित्वमा रहेका १४ वटा इकाई र २ वटा क्षेत्रलाई विगठन गरे पछि पलाएको असन्तुष्ठी २०८२ चैत्र ३० गत...
सुर्खेत : दैलेखको सांङ्गेतडामा कर्णाली नदीमा खसेको यात्रुवाहक फोर्स गाडी र त्यसमा सवार यात्रुको खोजी शुक्रबार बिहानदेखि पुनः सुरु गरिएको छ।
सशस्त्र प्रहरी बल नेपाल नं. ६ महेश्वरी बाहिनी मुख्यालय सुर्खेतका छ जना गोताखोर बिहान ८ बजेदेखि खोजीमा परिचालन भएका छन्।
बिहीबार पाँच घण्टासम्म खोजी गर्दा गाडी र यात्रु फेला नपरेपछि आज पुनः खोजी कार्य थालिएको हो।खोजीका लागि नेपाल प्रहरी, सशस्त्र प्रहरी बल र नेपाली सेनाको टोली परिचालन गरिएको छ। प्रहरीका अनुसार सुर्खेतबाट छुट्दा तीन, दैलेखको डुङ्गेश्वरबाट दुई यात्रु तथा चालक र सहचालक गरी हालसम्म सात जना गाडीमा सवार रहेको पुष्टि भएको छ।
कर्णाली प्रदेश प्रहरी कार्यालयका प्रहरी नायब महानिरीक्षक जयराज सापकोटाका अनुसार नदीको जलसतह बढ्नुका साथै बहाव तीव्र, पानी धमिलो र घटनास्थलसम्म पुग्न कठिन भएकाले उद्धार तथा खोजी कार्य चुनौतीपूर्ण बनेको छ। अछामतर्फबाट खोजी...
काठमाडौँ । राजधानीसँग जोडिएको दक्षिणकाली नगरपालिकाले आफ्नो पर्यटन विकासलाई नयाँ उचाइमा पुर्याउने तयारी थालेको छ। धार्मिक आस्थाको केन्द्रका रूपमा परिचित दक्षिणकालीलाई अब संस्कृति, प्रकृति, कृषि, ग्रामीण जीवनशैली तथा साहसिक गतिविधिसँग जोडिएको बहुआयामिक पर्यटन गन्तव्यका रूपमा विकास गर्ने लक्ष्यसहित पर्यटन गुरुयोजना तर्जुमाको काम अन्तिम चरणमा पुगेको छ।
नेपाल पर्यटन बोर्डको आर्थिक सहयोग तथा दक्षिणकाली नगरपालिकाको समन्वयमा तयार भइरहेको योजनाको दोस्रो चरणको प्रस्तुतीकरण सम्पन्न भएसँगै दक्षिणकालीको पर्यटन विकासको दीर्घकालीन खाका स्पष्ट बन्दै गएको छ।
पर्यटन विज्ञ आलोक प्रसाईँ नेतृत्वको प्राविधिक टोलीले करिब दुई महिनासम्म धार्मिक, सांस्कृतिक, ऐतिहासिक तथा प्राकृतिक सम्पदाको अध्ययन गरी पर्यटन विकासका नयाँ सम्भावनाहरू पहिचान गरेको थियो। स्थानीय समुदाय, पर्यटन व्यवसायी तथा सरोकारवालासँगको...
काठमाडौं । अधिकांश नेपाली युवाको सपना विदेश पुगेर राम्रो आम्दानी गर्ने हुन्छ। दक्षिण कोरियाको भिसा हातमा पर्दा धेरैका लागि त्यो जीवनको ठूलो उपलब्धि मानिन्छ। तर युवा व्यवसायी प्रदीप मैनालीले भने त्यही अवसर त्यागेर आफ्नै देशमा केही गर्ने अठोट लिए। आज उनी त्यही निर्णयलाई सफल बनाउँदै सयौं युवाका लागि प्रेरणाको पात्र बनेका छन्।
वैदेशिक रोजगारीको आकर्षणभन्दा स्वदेशमै उद्यम र रोजगारी सिर्जनालाई प्राथमिकता दिएका मैनालीले सञ्चालन गर्दै आएको Fatafat Mistri Pvt. Ltd. ले अब घर निर्माण क्षेत्रमै सेवा विस्तार गर्ने भएको छ। कम्पनीले आगामी २०८३ साल भदौदेखि घर निर्माणको सम्पूर्ण जिम्मा लिने गरी सेवा सञ्चालन गर्ने तयारी पूरा गरेको जनाएको छ।
यसअघि कम्पनीले काठमाडौं उपत्यकाभित्र मिस्त्री, प्लम्बर, इलेक्ट्रिसियन, कार्पेन्टर, पेन्टिङ, टायल, फल्स सिलिङ, हाउस मेन्टेनेन्स तथा अन्य प्राविधिक सेवा प्रदान गर्दै आएक...
बर्दिया : बर्दियाको बढैयाताल गाउपालिकाले भुमिहिन २९ घरधुरी सुकुम्बासिका परिवारलाई लालपुर्जा वितरण गरेको छ ।बिहिबार गाउँपालकाको वडा नम्बर ४ मानकिनार बस्तिका २९ घरधुरी भूमिहीन सुकुम्बासीका परिवारलाई लालपुर्जा बितरण गरेको गाउपालिका अध्यक्ष हिमालय त्रिपाठीले बताउनु भयो। अध्यक्ष त्रिपाठीका अनुसार मालपोत, बन, र नापि कार्यालयको संयुक्त रोहबरमा प्रति घर परिवारलाई दश धुर देखि ६ /७ कठ्ठा सम्मको जग्गा वितरण गरियको हो ।
बिगत लामो समयसम्म अन्योलमा रहेका सुकुम्बासी परिवार जग्गाको लालपुर्जा हातमा पर्दा खुसी ब्यक्त गरिरहेका छन ।
...
सुर्खेत: दैलेखको चामुण्डा बिन्द्रासैनी नगरपालिका–७ स्थित साङ्गेतरा क्षेत्रमा कर्णाली राजमार्गमा यात्रुबाहक माइक्रो गाडी दुर्घटनामा परेको छ।
बिहीबार सुर्खेतबाट कालिकोटतर्फ जाँदै गरेको कर्णाली प्रदेश ०२–००१ ख १०५५ नम्बरको फोर्स माइक्रो गाडी सडकबाट करिब चार सय मिटर तल खसेर कर्णाली नदीमा डुबेको प्रहरीले जनाएको छ।
दुर्घटनाग्रस्त गाडीका चालक सुर्खेतको पञ्चपुरी नगरपालिका–८ निवासी अन्दाजी २८ वर्षीय तुलाराम सुवेदी रहेको प्रारम्भिक जानकारी रहेकाे प्रहरीकाे भनाइ छ । गाडीमा चालकसहित पाँच जना सवार रहेको बताइएको छ।
घटनास्थलबाट एक जना पुरुषलाई फेला पारेर सडकतर्फ ल्याउने कार्य भइरहेको छ। अन्य सवारको खोजी तथा उद्धार कार्य जारी छ । घटनाबारे थप विवरण आउन बाँकी छ।...
काठमाडौं। आजको व्यस्त जीवनशैलीमा स्वाद मात्र होइन, आत्मीयता र पारिवारिक वातावरण खोज्नेहरूको रोजाइ बन्दै गएको छ ‘सिन्की भान्छा घर’। युवा व्यवसायी हिमाल लम्साल ले सञ्चालन गरिरहेको यो भान्छा घरले परम्परागत नेपाली तथा पहाडी परिकारलाई आधुनिक सरसफाइ र उत्कृष्ट सेवासँग जोड्दै ग्राहकको मन जित्न सफल भएको छ।
पुतलीसडकस्थित स्टार मल अगाडि, कुमारी हल जाने बाटोमा रहेको सिन्की भान्छा घरमा प्रवेश गर्नेबित्तिकै घरको न्यानोपनको अनुभूति हुन्छ। यहाँ आउने ग्राहकले केवल खाना मात्र होइन, आफ्नै घरमा बसेर खाना खाइरहेको अनुभूति गर्ने गरेका छन्। यही आत्मीय व्यवहार र मिठो स्वादले छोटो समयमै सिन्की भान्छा घरलाई धेरैको रोजाइ बनाएको छ।
सञ्चालक हिमाल लम्सालका अनुसार राम्रो खाना भनेको स्वाद मात्र होइन, विश्वास पनि हो। त्यसैले यहाँ शुद्ध तेल, स्थानीय उत्पादन, सिलौटामा पिसिएका मसला, ताजा तरकारी तथा स्थानीय खसीको मासु प्रय...
— राजन थापा
काठमाडौं / स्वास्थ्य उपचार आर्थिक अवस्थाका कारण कसैका लागि विलासिता होइन, सबै नागरिकको आधारभूत अधिकार हो भन्ने सन्देशसहित नेपाल बैंक लिमिटेड र ॐ समाज डेन्टल हस्पिटल प्रा.लि.बीच सहुलियतपूर्ण दन्त उपचार सेवा उपलब्ध गराउने महत्वपूर्ण सम्झौता भएको छ।
यो सहकार्यले हजारौँ बैंक ग्राहक र कर्मचारीलाई गुणस्तरीय दन्त उपचार सहज र किफायती रूपमा उपलब्ध गराउने अपेक्षा गरिएको छ। सम्झौताअनुसार नेपाल बैंकका खातावाला ग्राहक तथा कर्मचारीले काठमाडौंको चाबहिल, बनस्थली, सातदोबाटो र महोत्तरीको बर्दिबासस्थित ॐ समाज डेन्टलका शाखाबाट उपचार गराउँदा १५ देखि २५ प्रतिशतसम्म छुट प्राप्त गर्नेछन्।
उपचारलाई नागरिकको पहुँचमा पुर्याउने उद्देश्यले गरिएको यो सहकार्यलाई स्वास्थ्य क्षेत्रमा सामाजिक उत्तरदायित्वको उदाहरणका रूपमा हेरिएको छ। सम्झौतापत्रमा नेपाल बैंकका सहायक प्रमुख कार्यकारी अधिकृत दीपे...
बाल्टिमोर (अमेरिका)— राष्ट्रिय लोक तथा दोहोरीगीत प्रतिष्ठान नेपाल, अमेरिका शाखाको प्रथम अधिवेशन अमेरिकाको मेरील्याण्ड राज्यस्थित बाल्टिमोरमा भव्य रूपमा सम्पन्न भएको छ। अधिवेशनले आगामी कार्यकालका लागि नयाँ कार्यसमिति सर्वसम्मत रूपमा चयन गरेको हो।
मेरील्याण्डको नटिङ्घमस्थित माउन्ट एभरेष्ट रेष्टुरेन्ट (७९२७ बेलएयर रोड, सुइट–सी, नटिङ्घम, एमडी २१२३६) मा आयोजित अधिवेशनबाट उदय भट्टराई अध्यक्षमा निर्वाचित भएका छन्।
त्यसैगरी प्रथम उपाध्यक्षमा निशा सुनार, द्वितीय उपाध्यक्षमा सुदीप अधिकारी, महिला उपाध्यक्षमा संगीता थापा मगर, सचिवमा सज्जन बोहोरा, कोषाध्यक्षमा प्रवेश पौडेल, सहसचिवमा मधुर गिरि तथा सहकोषाध्यक्षमा छबिराज सुनार निर्वाचित भएका छन्।
कार्यसमितिका सदस्यहरूमा रमेश परियार, श्रीराम पौडेल, भृकुटी पंगेनी, सरिता डाँगी, अमित सुनार, सुजन केसी, राजीव शर्मा, विजय चन्द ‘दर्पण’, दिनेश जिसी, नवराज...
