प्रचण्डले धाेका दिए, कांग्रेस अब बलियाे हुन्छ : पुर्ण बहादुर खड्का
पाेखरा कास्की : नेपाली कांग्रेसका उपसभापति पूर्णबहादुर खड्काले प्रधानमन्त्री पुष्पकमल दाहाल ‘प्रचण्ड’ ले धोका दिएर नयाँ गठबन्धन बनाएको आरोप लगाएका छन् ।
पोखरामा भएको लोकतन्त्रवादी आदिवासी जनजाति महासङ्घ गण्डकीको पहिलो अधिवेशनलाई सम्बोधन गर्दै उनले प्रचण्डको धोकाले कांग्रेसको अभियानलाई अझै प्रभावकारी बनाउन सहयोग मिलेको बताए ।
प्रचण्डजीले धोका दिएर गठबन्धन भत्काउनुभएको छ । यसका रहस्यहरू बिस्तारै खुल्दै जानेछन् । आज म धेरै कुरा भन्न चाहन्नँ,’ उनले भने, ‘यसबाट कांग्रेस अब्बल भएर अभियानहरू चलाउने परिवेशको निर्माण भएको छ । आगामी दिनहरूमा अहिलेको भन्दा बलियो पार्टी बनाउन सहयोग मिल्नेछ ।’
उनले आफूहरू सरकारमा रहँदा सङ्घीयतालाई मजबुत बनाउने कानुनहरू निर्माण गरेर संसद्मा लगेको दाबी गरे । उनले भातृ सङ्गठनहरूले कांग्रेसको अभियानलाई तीव्रताका साथ जनस्तरमा पुर्याउनुपर्ने बताए । यस्तै, ...
