Breaking News

सुर्खेत । कर्णाली प्रदेशको राजधानी सुर्खेत पश्चिम पन्चपुरी गाउपालिका वडा न ३ चाेकमा बस्ने ३८ बर्षिय  अमर बहादुर आले मगरले  आफ्नै श्रीमती मिना आले मगर को टाउकाे धारीलाे हतियारले रेटेर  टाउकाे काटेर प्लास्टिकको  झाेलामा समातेर  हिडिरहेकाे अवस्थामा  स्वास्थ्य  कार्यलय पलैटेमा प्रहरीले भेटेर नियन्त्रणमा लियकाे छ  । हाल उनिलाई ईलाका प्रहरी  कार्यालय बाँबियाचाैरमा राखिएको छ र घटना पैसाकाे बिषयमा भयकाे बुझियकाे छ । आले लामो समय वैदेशिक राेजगारमा रहेकाे र घरमा पैसाकाे कुरा उठायकाे र पैसाकाे हिसाब श्रीमतिबाट प्रष्ट नभयपछि घटना भयकाे बुझियकाे छ । साथै घरमा नबस्ने सधै माईत बस्ने बनेर आवेगमा श्रीमतीको टाउकाे रेटेकाे उनले बताउदै आयका छन ।थप घटनाको छानबिन भईरहेकाे ईलाका प्रहरी कार्यलय बाँँबियाचाैरका प्रहरी निरिक्षक टिका प्रसाद देउवाकाले बताय ।...

२४ मंसिर, काठमाडौं । गोलकिपर एमिलियानो मार्टिनेजले नायक बन्दै दुई पेनाल्टी रोकेपछि नेदरल्याण्ड्सलाई पेनाल्टी शूटआउटमा ४-३ ले पराजित गर्दै अर्जेन्टिना कतारमा जारी फिफा विश्वकप २०२२ को सेमिफाइनलमा प्रवेश गरेको छ । लुसेल आइकोनिक स्टेडियममा भएको नाटिकय र तनावपूर्ण दोस्रो क्वाटरफाइनलमा मार्टिनज नायक बन्दा अर्जेन्टिना ८ वर्षपछि विश्वकपको सेमिफाइनलमा पुगेको हो । निर्धारित ९० मिनेट र थप गरिएको ३० मिनेटको खेल २-२ को बराबरीमा सकिएपछि खेल पेनाल्टी शूटआउटमा पुगेको थियो । जहाँ अर्जेन्टिनाका लागि कप्तान लिओनल मेसी, लिएनड्रो परेडेस, गोन्जालो मोनिटेल र लाउटारो मार्टिनेजले गोल गरे । एन्जो फर्नान्डेसको प्रहार पोष्ट बाहिर गएको थियो । नेदरल्याण्ड्सका लागि टिउन कुपमाइनर्स, वाउट वेघोस्ट लुक डे जोङले गोल गरे । अर्जेन्टिनाको जितमा नायक बनेका मार्टिनजले डच कप्तान भर्जिल भान डाइक र स्टेभेन बर्गुइसको प्रहार...

गुमथले, टालेगाउँ (जाजरकोट) : नेकपा (बहुमत) का सचिवालय सदस्य पूर्णबहादुर सिंहद्वारा बाबाआमाको स्मृति र सम्मानमा स्थापित ‘बितु सिंह–बिन्दासरा सिंह छात्रवृत्ति’ यस वर्ष कतिष्मा सिंह र युवराज सिंहले प्राप्त गरेका छन् । आफूले अध्ययन गरेको जनकल्याण आधारभूत विद्यालय कुशे २, गुमथलेमा अध्ययनरत छात्रछात्रामध्ये दुईजना मेधावी छात्रछात्रालाई प्रदान गरिने पाँच-पाँच हजार राशिको छात्रवृत्ति यस वर्षका लागि उक्त विद्यालयमा कक्षा ८ मा अध्ययनरत छात्रा करिष्मा सिंह  र कक्षा ८ मै अध्ययनरत छात्र युवराज सिंहले प्राप्त गरेका हुन् । बिन्दासरा सिंहको निधनको आठौँ स्मृति दिवसका सन्दर्भमा विद्यालयमा शुक्रबार आयोजित कार्यक्रममा बितु सिंह र बिन्दासरा सिंहका जेठा छोरा गोरखबहादुर सिंहले छात्रवृत्ति हस्तान्तरण गरेका हुन् । नेकपा (बहुमत) का सचिवालय सदस्य सिंहले बुबा बितु सिंह र आमा बिन्दासरा सिंहको स्मृति र सम्मानमा ‘बि...

२३ मंसिर, काठमाडौं । संवैधानिक इजलासको अन्तरिम आदेशसँगै सर्वोच्च अदालत फर्किने निलम्बित प्रधानन्यायाधीश चोलेन्द्रशम्शेर जबराको प्रयास असफल भएको छ । साथै उनलाई सर्वोच्च फर्काउन प्रयास गरेका संघीय संसद सचिवालयका महासचिव भरतराज गौतममाथि समेत प्रश्न उठेको छ । कर्मचारीतन्त्रमा राम्रो छवि बनाएर महासचिव भएका गौतमले २१ मंसिरमा जबरालाई १ फागुन २०७८ मा दर्ता भएको महाअभियोग निष्प्रभावी भएको पत्र थमाएका थिए । उनको पत्रमा सर्वोच्च अदालतले प्रश्न मात्र उठाएको छैन, बुधबार संवैधानिक इजलासले कार्यान्वयन नगर्न आन्तरिम आदेश नै दिएको छ । कामु प्रधानन्यायाधीश हरिकृष्ण कार्कीको नेतृत्वको संवैधानिक इजलासले संघीय संसदका महासचिवलाई महाअभियोग निष्प्रभावी भएको पत्र लेख्ने अधिकार नभएको बताएको छ । अन्तरिम आदेशमा भनिएको छ, ‘संविधानद्वारा प्रतिनिधि सभालाई प्रदान गरिएको अधिकार महासचिवले प्रयोग गरेकोसम्बन्धी गम्भीर ...

काठमाडौँ  :नेपाल कम्युनिस्ट पार्टी (बहुमत) काठमाडौँ जिल्ला सम्मेलन आयोजक समितिको राजनैतिक वैचारिक प्रशिक्षण तथा सम्मान कार्यक्रम सम्पन्न भएको छ । काठमाडौँको लैनचौरमा बिहिबार सम्पन्ने प्रशिक्षणमा बोल्दै बहुमतका संयोजक कन्चनले नेकपा(बहुमत) र क्रान्तिकारी (माओवादी)बीच भएको पार्टी एकता संयोजन समितिले व्यापक छलफल गरी नेपाली क्रान्तिलाई सम्पन्न गर्ने उदेश्यका साथ पार्टी एकता छिटै टुङ्ग्याउने बताए । पार्टीको कार्यक्रम र कार्यदिशाको व्याख्या गर्दै संयोजक कन्चनले संसदीय चुनाव निर्वाचन अवज्ञा गर्ने आफ्नो पार्टीको कार्यक्रम उपलब्धीमूलक भएको भन्दै यसले जनता र पार्टीलाई जोडने काम गरेको बताए । साथै उनले हालै राष्ट्रिय अन्तराष्ट्रिय परिस्थिति, नेपाली कम्युनिस्ट आन्दोलन र आफ्नो पार्टीको अवस्थाको बारेमा पनि स्पष्ट पारेका थिए । यस्तै पार्टीका प्रवक्ता सुदर्शनले पार्टी सचिवालयको निर्णयहरुको व्याख्या गर्दै आ...

२२ मंसिर, धनगढी । प्रधानमन्त्री शेरबहादुर देउवाले पश्चिम सेती परियोजना निर्माणका लागि भारतीय कम्पनीसँग सम्झौता भइसकेको बताउदै अब काम अघि बढ्नेमा पनि सरकार विश्वस्त रहेको बताए ।देउवाले पश्चिम सेती जलविद्युत र पञ्चेश्वर परियोजना बनेमा सुदूरपश्चिम समृद्ध हुने बताएका छन् । कैलाली उद्योग वाणिज्य संघले धनगढीमा आयोजना गरेको सुदूरपश्चिम महोत्सवको उद्घाटन गर्दै देउवाले पश्चिम सेतीसँगै पञ्चेश्वर परियोजना पनि निर्माण भए सुदूरपश्चिमको आर्थिक विकासमा महत्वपूर्ण भूमिका खेल्ने उल्लेख गरे । आयोजकले प्रधानमन्त्री देउवालाई १५ किलोको माला लगाउदै पश्चिम सेती परियोजना निर्माण, गौरीफन्टा नाकालाई अन्तराष्ट्रिय नाकाका रुपमा स्तरोन्नती गर्नुपर्ने समेतका १५ बुँदे मागसमेत राखेको थियो । आयोजकले राखेका माग सम्बोधन गर्न सरकार सकारात्मक भएको बताउँदै देउवाले भारत भ्रमणका क्रममा गौरीफन्टा नाकाको स्तरोन्नतीको विषय...

२२ मंसिर, नवलपुर । पूर्व पश्चिम राजमार्गअन्तर्गत पूर्वी नवलपरासी (नवलपुर) जिल्लाको विनयी त्रिवेणी गाउँपालिका–१ विनयी खोला नजिक आज बिहान बस र ट्रक ठोक्किँदा १७ जना घाइते भएका छन् । दुई जनाको अवस्था गम्भीर छ । बागलुङबाट भैरहवा जाँदै गरेको लु १ ख ४६७० नम्बरको बस र लु २ ख ८९३ नम्बरको ट्रक आज बिहान ५ बजे ठोक्किएका थिए । जिल्ला प्रहरी कार्यालय नवलपुरका सूचना अधिकारी सन्तोष पाठकका अनुसार घाइतेहरुको मध्यविन्दु जिल्ला अस्पताल डण्डामा उपचार भइरहेको छ । बसमा ३० जना यात्रु थिए । अन्य यात्रुहरु सकुशल रहेको पाठकले बताए । ...

२२ मंसिर, काठमाडौं । लामो इतिहास, संस्कृति, परम्परा अनि सम्पदाले भरिपूर्ण काठमाडौं उपत्यका, यहाँका रैथाने नेवार समुदायले मनाइने अनेकौँ चाडपर्वको आफ्नै महत्व र विशेषता छ । यस्तै पर्वमध्ये एउटा प्रमुख र मौलिक पर्व हो, ‘यःमरी पुन्हि’ । हेमन्त ऋतुमा पर्ने यो पर्व मार्ग शुक्ल पूर्णिमा अर्थात् धान्य पूर्णिमाको अवसरमा आज धुमधामले मनाइँदैछ । नेपाल संवत्को दोस्रो महिना थिंलामा पर्ने भएकाले यसलाई ‘थिंला पुन्हि’ पनि भनिन्छ । नेवार समुदायमा कृषिसम्बन्धी धेरै चाडपर्व हुने गर्दछन् । मौसमअनुसारको खानपान गर्न सिपालु नेवार समुदायले त्यही खाने पकवानको नामबाटै पनि चाडपर्वलाई परिचित गराएका छन् । मार्ग शुक्ल पूर्णिमाको दिन मनाइने यःमरी पुन्हि पनि यस्तै एउटा पर्व हो, जसको नाम स्वादिष्ट पकवान यःमरीबाट प्रख्यात छ । “यस पर्वमा विशेष गरी चामलको पिठोबाट बनाइने स्वादिष्ट पकवान यःमरी खाने र पूर्णिमाको दिन मना...

२० मंसिर, काठमाडौं । ब्राजिलले फिफा विश्वकपको अन्तिम १६ मा दक्षिण कोरियालाई ४-१ ले पराजित गर्दा फुटबलको मास्टरक्लास प्रदर्शन गर्न सफल रह्यो । संसारभरका समर्थकले आनन्ददायी क्षणको लाभ लिए जो ब्राजिलको पुनरागमन यस्तै होस भन्ने चाहन्थे । स्टेडियम ९७४ को प्यारापिटमा साम्भा संगीत चर्कोसँग बजिरहेको थियो । ब्राजिल टिम भने घाना, उरुग्वे र पोर्चुगललाई संकटमा पारेको दक्षिण कोरियालाई तहस नहस बनाइरहेको थियो । ब्रजिलले सुन्दर तरिकाबाट बलको प्रयोग र वान–टच पास शैलीले प्रतिभाशाली दक्षिण कोरियाली टिम निरिह देखियो । उनीहरुसँग रंक्षात्मक खेलका लागि कुनै योजना नै देखिएन । वास्तवमा भन्ने हो भने दक्षिण कोरियाली गोलरक्षक किम सुङ ग्यू खुसी हुनुपर्छ । किनभने ब्राजिलले दोहोरो अंकको गोल हान्न सकेन । गोलीगाँठाको चोटबाट फर्किएका नेइमार प्रमुख प्रशिक्षक टिटेले निर्माण गरेको टिमको केन्द्रमा थिए । परम्परागत फुटब...

२० मंसिर, काठमाडौं । काठमाडौंको थापाथालीस्थित सुकुम्बासी बस्ती हटाउन माग गर्दै महानगरपालिका कार्यालय अगाडि प्रदर्शन भएको छ । उपत्यकावासी व्यवस्थापन तथा सहयोग संघर्ष समितिले नक्कली सुकुम्बासीहरुले थापाथलीमा भूमि कब्जा गरेको भन्दै पहिचान गरेर कारबाही गर्न माग गरेको हो । समितिले महानगरका मेयर बालेन्द्र साह (बालेन) लाई ध्यानाकर्षण पत्र समेत बुझाएको छ । ‘कथित सुकुम्बासीको घर टहरा हटाई, राधाजनीको सौन्दर्यता,सुशान्ति र मैत्रीपूर्ण वातावरण सिर्जना गर्न एक इन्च पनि महानगर पछि नहटोस’ ध्यानाकर्षण पत्रमा भनिएको छ । समितिले सुकुम्बासी बस्तीमा दिउँसै घरेलु हतियारसहित नगर प्रहरी, महानगर प्रमुखलाई धम्कीदिनुले उपत्यकामा त्रास फैलिएको समेत बताएको छ । ...