अन्तर्राष्ट्रिय नेपाली फुड फेस्टिभल तथा सेफ सम्मेलनको उद्घाटन पर्यटनमन्त्री पाण्डेले गर्नुहुने
काठमाडौं – नेपाली मौलिक खानाको विविधता, परम्परागत स्वाद, र सांस्कृतिक सम्पदालाई विश्वसामु चिनाउने उद्देश्यले आगामी वैशाख ६ गते काठमाडौंको भृकुटीमण्डपस्थित प्रदर्शनी मार्गमा आयोजना हुने अन्तर्राष्ट्रिय नेपाली फुड फेस्टिभल तथा सेफ सम्मेलनको उद्घाटन संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले गर्नुहुने भएको छ।
नेपाली सेफ सोसाइटी र अन्तर्राष्ट्रिय नेपाली सेफ सोसाइटीको संयुक्त आयोजनामा हुन लागेको यो यो कार्यक्रमलाई ऐतिहासिक सम्मेलनको रूपमा लीएको छ, जहाँ विश्वभर रहेका नेपाली सेफहरू एकै ठाउँमा भेला भई नेपाली खानाको प्रवर्द्धन, गुणस्तर सुधार र सेफहरूको क्षमता विकासमा योगदान दिने उद्देश्य राखिएको छ।
मङगलवार संस्कृति, पर्यटन तथा नागरिक उड्डयनमन्त्री पाण्डेसँग भएको भेटमा सम्मेलनका केन्द्रीय संयोजक अरुण अधिकारीले मन्त्रीलाई कार्यक्रममा सहभागी भई उद्घाटन गरिदिन आग्रह गर्नु...









