ईशान बाल तथा महिला अस्पतालको ३०औं वार्षिकोत्सव भव्यताका साथ सम्पन्न
काठमाडौं / राजन थापा ईशान बाल तथा महिला अस्पतालले आफ्नो ३०औं वार्षिकोत्सव विशेष समारोहका साथ सम्पन्न गरेको छ।
तीन दशक लामो सेवायात्राको स्मरणमा आयोजित कार्यक्रममा चिकित्सक, स्वास्थ्यकर्मी, कर्मचारी, समुदायका प्रतिनिधि तथा अभिभावकहरूको उल्लेखनीय सहभागिता रह्यो।
कार्यक्रममा संस्थापक सदस्यहरूले अस्पताल स्थापना गर्दा भोगिएका चुनौती र कठिनाइहरूबारे अनुभव साझा गर्दै अस्पतालले बालबालिका र महिलाको स्वास्थ्य क्षेत्रमा पुर्याएको योगदानलाई स्मरण गरे। समारोहको मुख्य आकर्षण दीर्घकालीन रूपमा सेवा दिएका चिकित्सक र स्वास्थ्यकर्मीप्रति गरिएको सम्मान थियो।
अस्पताल प्रशासनले ३० वर्षदेखि निरन्तर खटिएका कर्मचारीलाई दोसल्ला, सम्मानपत्र र स्मृति चिन्ह प्रदान गर्दै कृतज्ञता प्रकट गर्यो। सम्मान ग्रहण गर्ने क्रममा चिकित्सकहरूले आफ्नो जीवनलाई मातृ–शिशु स्वास्थ्य सुरक्षामा समर्...
