नेकपाको महाधिवेशनमा समूहगत छलफल सकिएपछि सुझावहरु राख्ने क्रम सुरु
कपिलवस्तु: नेपाल कम्युनिस्ट पार्टीको नवौं महाधिवेशनको तेस्रो दिनको जारी बन्दसत्रमा आज राजनैतिक तथा विधान प्रतिवेदनमाथि समूह छलफल सकिएपछि समूहगत छलफलको सुझाव तथा टिप्पणी राख्ने क्रम सुरु भएको छ ।
महाधिवेशनको बन्दसत्रमा नेकपा महासचिव विप्लवले पेश गरेको राजनैतिक प्रतिवेदन र विधान प्रतिवेदन तथा सचिवालय सदस्य सन्तोष बुढा मगरले पेश गरेको जातीय उत्पीडन र मुक्तिका विषयमा समेटिएको प्रस्तावमाथि सुझाव तथा टिप्पणी संकलन गर्न २० वटा समूह विभाजन गरिएको थियो ।
प्रत्येक समूहहरुले आ-आफ्नो एकजना समूह लिडर चयन गरेर सुझाव तथा टिप्पणीहरु संकलन गरेका छन् र उक्त समुह लिडरले पालैपालो सुझाव तथा टिप्पणीहरु प्रस्तुत गरिरहेका छन् ।
एउटा समूह लिडरलाई १५ देखि २० मिनेटको समय तोकिएको छ । समयको हिसाबले भोलिसम्म समूहका लिडरहरुले आफ्नो सुझावहरु पेश गर्ने देखिएको छ । सुझाव प्रस्तुत गर्ने क्रम सकिएपछि...
