वागेश्वरी माविमा प्रतियोगितात्मक कविता
- सुशान्त न्यौपाने
सुशासन र शून्य बेरूजुमा आफूलाई अग्र पङ्क्तिमा उभ्याउन सफल धादिङको बेनीघाट रोराङ गाउँपालिकाले स्थानीय प्रज्ञाप्रतिष्ठान गठनको अभ्यास आरम्भ गरेको छ । त्यसैका निम्ति यही असार ६ गते स्थानीय साहित्यकार तथा लब्ध प्रतिष्ठित अन्य साहित्यकारहरूलाई आमन्त्रण गरी यस्तो अभ्यासको थालनी गरेको हो । उसले पारिजात संरक्षण अभियानलाई सशक्त बनाउनको निम्ति यसै वर्ष देशभरका प्रतिनिधि स्रष्टालाई आमन्त्रित गरी प्रचारप्रसार गर्ने निधो पनि गरेको छ ।
गापा अध्यक्ष कृष्णबहादुर थपलिया(विवेक)ले अध्यक्षता गरेको उक्त कार्यक्रममा उनले सभ्यता नै विकासको सूचक हुने हुनाले भौतिक पूर्वाधार विकाससँगै कला साहित्यको विकासमा पनि कला, साहित्य र संस्कृतिको उत्थानको कडीलाई यसैसँग जोड्ने प्रतिबद्धता दोहोर्याए । उनले चेपाङ, चिउरी र चमेरोको मानक बनेको यो भूगोललाई साहित्योत्थानको परिचायक बनाउने घोषणा गरे ।
...
