स्व. मुकुन्द रिजालको सम्झनामा भावनाको महासागर — लैनचौरमा हुँदै उपाधिको निर्णायक भिडन्त
काठमाडौं । काठमाडौं महानगरपालिका वडा नं. १६ द्वारा आयोजित “वडा स्तरीय स्व. श्री मुकुन्द रिजाल स्मृति फुटबल प्रतियोगिता–२०८३” अहिले उत्कर्षमा पुगेको छ । प्रतियोगिताको बहुप्रतिक्षित फाईनल खेलमा वडा नम्बर ५ र वडा नम्बर १६ भिड्ने निश्चित भएपछि खेलप्रेमीहरूमा रोमाञ्चक वातावरण सिर्जना भएको छ ।
जेठ १४ गते बिहान ८ बजे लैनचौर खेल मैदानमा हुने उक्त फाईनल केवल उपाधिको प्रतिस्पर्धा मात्र होइन, स्वर्गीय मुकुन्द रिजालप्रतिको सम्मान, सम्झना र भावनाले भरिएको विशेष क्षण बन्ने देखिएको छ ।
प्रतियोगिताको सुरुवातदेखि नै विभिन्न वडाका टोलीहरूले उत्कृष्ट प्रदर्शन गरेका थिए । खेलाडीहरूको जोश, मैदानभित्रको संघर्ष र दर्शकको उत्साहले प्रतियोगितालाई राजधानीकै चर्चित वडास्तरीय फुटबल प्रतियोगिताका रूपमा स्थापित गराएको स्थानीयहरूको भनाइ छ ।
विशेष गरी आयोजक वडा नं. १६ फाईनलमा पुगेपछि स्थानीय समर्थकहरू थप उत्साहित बने...
