विज्ञान, आध्यात्मिकता र उद्यमशीलताको समन्वय : कश्यप एकेडेमीको दोस्रो वार्षिकोत्सव भव्य रूपमा सम्पन्न
काठमाडौं । विज्ञान प्रविधि, आध्यात्मिकता र उद्यमशीलतासँगै व्यावसायिक तथा गुणस्तरीय शिक्षा प्रदान गर्दै,आधुनिक शैलीको पठन–पाठनलाई प्राथमिकता दिँदै आएको कश्यप एकेडेमीको दोस्रो वार्षिकोत्सव समारोह भव्यताका साथ सम्पन्न भएको छ । विद्यालय परिसरमा आयोजित कार्यक्रममा विद्यार्थी, अभिभावक, शिक्षक तथा विशिष्ट अतिथिहरूको उल्लेखनीय सहभागिता रहेको थियो ।
कम्पनी अध्यक्ष कमला खड्काको अध्यक्षतामा सम्पन्न भएको कार्यक्रममा प्रमुख अतिथि राष्ट्रिय परीक्षा बोर्डका पूर्वअध्यक्ष महाश्रम शर्मा रहेका थिए ।
कार्यक्रममा विशेष अतिथिका रुपमा विद्यालय व्यवस्थापन समितिका अध्यक्ष ऋषिकेश तिवारी , जेष्ठ नागरिक नन्द प्रसाद सिलवाल, राष्ट्रिय योग प्रशिक्षक कञ्चन घिमिरे, , विद्यालयका प्रिन्सिपल आर.बी. अधिकारी, सहायकप्रिन्सिपल नारायण पन्त, भाषा समन्वयक तथा ईसीए इन्चार्ज रबिन्सन बस्नेत, प्राथमिक तह इन्चार्ज एलिशा आचार्य लगायतको...
