काठमाडौं :माेहन वैद्य “किरण” नेतृत्वको क्रान्तिकारी कम्युनिस्ट पार्टी, नेपालको सहायक संगठन क्रान्तिकारी युवा संगठन नेपालले भोलि (पौष १० गते) काठमाडौंमा विशाल लाल मार्चपासको आयोजना गर्दैछ ।
युवा मार्चपासमा हजारौ क्रान्तिकारी युवाको सहभागिता हुने संगठनका अध्यक्ष हरिश भट्टले जानकारी दिए । मार्चपासलाई क्रान्तिकारी कम्युनिस्ट पार्टी, नेपालका अध्यक्ष मोहन वैद्य किरणले विशेष सम्बोधन गर्ने कार्यक्रम रहेकाे अध्यक्ष भट्टले बताय।
रत्नपार्कस्थित खुल्लामञ्चमा जम्मा भएर युवा मार्चपास सुरु हुने र नगरपरिक्रममा गरेर शान्तिबाटिकामा पुगेर विशेष समारोहमा परिणत हुने बताइएको छ ।
भोलि डिसेम्बर २६ अन्तर्राष्ट्रिय कम्युनिस्ट आन्दोलनका महान नेता माओको १३१ ओैं जन्मदिवस समेत रहेकोले माओ दिवसको अवसर पारेर युवा मार्चपासको आयोजना गरिएको सम्बद्ध संगठनले जनाएको छ ।
गत पुस ३ गते संगठनले नेपाल सरकारका प्रधानमन्त्री पुष्पकमल दाहाल समक्ष २० बुद्धे माग पत्र पेश गरेकाे थियाे र उक्त माग पत्रमा उल्लेख मागहरु पूरा नभयमा थप संघर्षका कार्यक्रम हरु बढाउने बताएको छ। लाल मार्चका लागि सबै प्रदेश बाट युवाहरु काठमाडौं केन्द्रीकृत हुदैछन् ।