नागरिकता विधेयक किन भएन प्रमाणीकरण, राष्ट्रपति कार्यालयले दिएको ६ कारण :
३० कात्तिक, काठमाडौं । राष्ट्रपति कार्यालयले संघीय संसदबाट प्रमाणीकरणका लागि पेश भएको नागरिकता विधेयक मुलुकको हितमा नभएको र संघीय संसदबाट पारित गर्ने क्रममा संविधान र कानूनको उल्लंघन भएकाले त्यसलाई यथास्थितिमा राखिएको दावी गरेको छ ।
राष्ट्रपतिले विधेयक प्रमाणीकरण गर्नुुपर्ने माग राखी सर्वोच्च अदालतमा दर्ता भएको रिट निवेदनमाथि लिखित जवाफ दिँदै राष्ट्रपति कार्यालयले विधेयकका विषयवस्तु र पारित गर्न संसदले अपनाएको प्रक्रियामा असहमति जनाएको हो । उसले त्यो विधेयक निस्तेज भइसकेको दावी गर्दै फेरि सुरुदेखि नै प्रक्रिया सुरु हुनुपर्ने आफ्नो दृष्टिकोण समेत अघि सारेको छ । लिखित जवाफमार्फत राष्ट्रपति कार्यालयले उठाएका
६ सवाल :
१.) राष्ट्रपतिसँग विशेषाधिकार हुन्छ :
थुप्रै मुलुकहरुमा राष्ट्रपतिले मुलुकको हकहितका लागि विशेषाधिकार प्रयोग गरेको उदाहरण दिँदै राष्ट्रपति कार्यालयले नेपालमा पनि सोही विश...