३ श्रावण २०८१, शुक्रबार

ठुलिभेरी नगरपालिका जुफाँलमै कायम

लेखक : अंख बहादुर बाेहरा

२४ पुस डाेल्पा।  डोल्पाको ठूलीभेरी नगरपालिकाको केन्द्र जुफाल कायम भएको छ। आइतबार सर्वोच्च अदालतले दुवै पक्षबाट परेको रिट खारेज गर्दै नगरपालिकाको केन्द्र जुफाल कायम भएको फैसला गरेको हो।

केन्द्र जुफाल कायम हुनुपर्ने पक्षमा ४३ जना जनप्रतिनिधिले हस्ताक्षर गरेका थिय । आठौँ नगरसभामा उपस्थित ४९ मध्ये ४३ जना जनप्रतिनिधिले जुफाल नै केन्द्र कायम गर्न सहमति जनाउँदै पक्षमा हस्ताक्षर गरेका हुन् । ६ जनप्रतिनिधिले विपक्षमा हस्ताक्षर गरे भने दुईजना अनुपस्थित भए ।

दुईतिहाइभन्दा पनि धेरै जनप्रतिनिधिले नगरपालिकाको केन्द्र जुफाल नै कायम हुनुपर्ने पक्षमा हस्ताक्षरसहित सहमति जनाएपछि चालू आर्थिक वर्षमै नगरपालिकाको प्रशासकीय भवन बनाउन सुरु गरिने निर्णय गरिएको प्रमुख प्रशासकीय अधिकृत डिलप्रसाद रोकायले जानकारी दिए ।

सदरमुकाम दुनै रहेको नगरपालिकाको केन्द्र तत्कालीन नगर प्रमुख गणेश शाहीले जालसाजी गरेर जुफाल सारेको भन्दै ०७४ साल चैत्र ५ गते सर्वोच्च अदालमा तत्कालीन उपप्रमुख योगेन्द्रबहादुर शाहीसहित तीनजनाले रिट दायर गरेका थिए।

अदालतले नगरपालिकाको केन्द्र जुफाल कायम गरेपछि जुफालका जनप्रतिनिधि तथा स्थानीयले ऐतिहासिक दिन भन्दै खुसियालीसमेत मनाएका छन्। पहिलो कार्यकालभरि नै ठूलीभेरी नगरपालिका केन्द्र विवादमा अल्झिएको थियो।