ललितपुर / नेपाल भाषा मंका खल यलको १४ औं बार्षिक साधारण सभा मंकाः दबुछें, त्यागल ललितपूरमा कार्तिक २७ शनिवार सम्पन्न भएको एकहप्तामा यहि शनिवार नयाँ कार्यसमितिको चयन भएकोछ ।
अध्यक्ष पदमा केबल तिन भोटले महेन्द्र लाल महर्जन बिजयी भएकाछन् । अध्यक्ष पदमा महेन्द्र लाल महर्जन र बाबु राजा महर्जन बिच निकै कडा र रोमान्चक प्रतिस्पर्धा भएको थियो ।
बिधान अनुसार दुई महिला सदस्यहरुमा फरिन्दा महर्जन, रमना महर्जन बज्राचार्य, नानीहेरा शाक्य र मन्जु बज्राचार्य उम्मेदवारबाट फरिन्दा महर्जन र रमना महर्जन बज्राचार्य निर्वाचित भएकाछन् ।
१८ जना सदस्यको उम्मेदवारी बाट ९ जना सदस्यमा बिनोद महर्जन, प्रेम महर्जन(चिरी), राजेन्द्र महर्जन, राजु ताम्राकार, रबिन्द्र बाराही, न्हुछेमान महर्जन(कपूर), उकुलाल महर्जन, बेखारत्न महर्जन, प्रबिन महर्जन निर्वाचित भएका थिए ।
सपथ ग्रहण पछि बोल्दै नवनिर्वाचित अध्यक्ष महेन्द्रलाल महर्जनले सदस्यहरुलाई धन्यवाद दिँदै बिजयी साथिहरुलाई बधाईका साथै बास्तबिक काम बल्ल सुरु भएको तथा घोषनापत्रमा बोलेको कुरा पुरा गर्न आफुहरु प्रतिबद्ध रहेन र कुनै पुर्वाग्रह नराखी संस्थाको गरीमालाई थप उचाईमा लानेमा आफ्नो कार्यकाल लक्षित हुनेमा जोड दिनुभयो ।
ललितपूरमा निकै क्रियाशिल रहेको नेपाल भाषा मंका खल यलमा कुल १२४४ सदस्य रहेकाछन् ।