काठमाडौं :बुद्ध एयरको जहाजमा चरा ठोक्किएको छ । काठमाडौंबाट पाेखराका लागि उडान रहेकाे विमान पोखरा विमानस्थलमा अवतरणका क्रममा उक्त जहाजसँग चरा ठोक्किएको हो ।
बुद्ध एयरले शनिबार काठमाडौंबाट पोखराका लागि उडेको जहाज अवतरणका क्रममा चरा ठोक्किएको पुष्टि गरेको छ ।जहाजमा उडान संख्या ६१७, जहाज ९ एन–एओसीका सबै यात्रु र चालक दल सुरक्षित रहेका छन् ।
जहाजलाई पोखरास्थित प्राविधिक टोलीले जाँच गरिरहेको बुद्ध एयरले जनाएको छ ।