सरकारले बाढीबाट क्षतिग्रस्त विपी राजमार्गको आपतकालीन पुनर्स्थापनाका लागि जापान सरकारबाट प्राप्त हुने २.८ अर्ब जापानी येन बराबरको अनुदान सहायता स्वीकार गर्ने निर्णय गरिसकेको छ।
मन्त्रिपरिषद्को यही साउन १२ गतेको बैठकबाट यो निर्णय भएको थियो।
एक वर्षअघि बाढीले भत्काएको विपी राजमार्ग बनाउन जापानसँग सरकारले अनुदान सहायता लिने भएको हो।
२०८१ असोजमा आएको बाढीले क्षति गरेको बीपी राजमार्गको २५ किलोमिटर खण्डमा ठेक्का सम्झौता भइ काम अघि बढाइसकिएको छ।
भकुण्डेबेंसीदेखि नेपालथोकसम्म बाढीले क्षति गरेको ३०.५ किलोमिटर दुई लेन सडक निर्माण गर्न लागिएको हो। अहिले काभ्रेतर्फ दुई र सिन्धुलीतर्फ एकसहित तीन प्याकेज बनाएर ठेक्का सम्झौता गरिएको छ।