२१ चैत्र २०८१, बिहीबार

जाजरकोट खलंगामा ५० हजार प्रथम पुरस्कार रासी रहेकाे अन्डर-१९ भलिबल प्रतियोगिता हुदैछ

जाजरकोट :खलंगामा अन्डर-१९ भलिवल प्रतियोगिता सञ्चालन हुने भएको छ ।

सहिद स्मृति यूवा क्लव भेरि १ जाजरकोटकाे आयोजनामा सहिद “विदुर स्मृति दोस्रो अन्डर—१९ भलिवल कप” सञ्चालन हुने भएको हो ।

चैत्र २४ देखि २७ गते सम्म सञ्चालन हुने कपमा प्रथम पुरस्कार ५० हजार, दोस्रो पुरस्कार ३५ हजार र तेस्रो पुरस्कार २५ हजार रहेको आयोजक सहिद स्मृति यूवा क्लवका अध्यक्ष प्रेम बहादुर विकले जानकारी दिए ।

‘लागुऔषध दुव्र्यसन नियन्त्रण तथा रोकथामका लागि खेलकुद कार्यक्रम’ भन्ने मुल नाराका साथ सञ्चालन हुने कपमा जिल्ला भित्रका १९ बर्षमुनिका खेलाडी सहभागी हुन पाउनेछन् । दर्ताशुल्क ४ हजार रहेको छ ।

यस्तै, खेलमा सर्वाेकृष्ट खेलाडी, वेष्ट स्पाईकर, वेष्ट सेटर, वेष्ट ब्लकर, वेष्ट डिफेन्डर, इर्मिजिङ प्लेयर, वेष्ट प्रशिक्षक समेत छनौट गरिने अध्यक्ष विकले बताए । क्रमश, ३ हजार, २ हजार, २ हजार, २ हजार, २ हजार,२ हजार र १५ सय पुरस्कार प्रदान गरिनेछ । गत बर्ष पहिलो पटक कप सञ्चालन गरेको आयोजकले निकै सनदार तरिकारले खेल सम्पन्न गरेको थियो ।

यसले जिल्लामा निकै राम्रो प्रभाव पारेको खेलाडीहरुले बताएका थिए । जिल्लामा १९ बर्षमुनिका खेलाडी उत्पादन गर्न, उनीहरुको खेल विकासमा टेवा पुर्‍याउन, खेलप्रति उत्साह जगाउन र लागुऔषध विरुद्धको अभियान सञ्चालन गर्न यसले सहयोग गरेको छ ।