हुण्डीको ६८ लाख बोकेर हिँड्दाहिँड्दै तीनजना सडकबाटै पक्राउ

उनीहरू हुण्डी कारोबारी रहेका र कारोबार गर्दा गर्दै पक्राउ गरिएको प्रहरीले जानकारी दिएको छ । काठमाडौं–९ शम्भुमार्गस्थित सडकखण्डमा हुण्डी कारोबार भइरहेको विशेष सूचनाका आधारमा गएराति प्रहरी वृत्त गौशालाबाट खटिएको टोलीले उनीहरुलाई समातेको हो। प्रहरीका अनुसार उक्त स्थानमा रोकी राखेको प्रदेश ३–०१–०२२ च १९७२ नम्बरको सेतो रङको हुण्डाई कम्पनीको कार चेकजाँच गर्ने क्रममा उनीहरुको साथमा स्रोत नखुलेको ६८ लाख रुपैयाँ फेला परेको थियो। त्यस्तै, पाँच–पाँच थान चेक र मोबाइल पनि बरामद गरिएको प्रहरीले जनाएको छ।