१० असार २०८१, सोमबार

नेकपा महासचिव विप्लवलाई मातृशाेक :

काठमाडौ नेपाल कम्युनिष्ट पार्टीका महासचिव नेत्रविक्रम चन्द विप्लवलाई मातृशोक परेको छ। ९५ वर्षीया आमा आशिकादेवी चन्दको आज बिहान नौ बजे कपिलवस्तु शिवगढीस्थित निवासमै निधन भएको पारिवारिक स्रोतले जनाएको छ।केही हप्ता अगाडि घरमा लडेर टाउकोमा चोट लागेपछि उहाँलाई बुटवलस्थित चौराह अस्पताल भर्ना गरिएको थियो । उहाँको उपचार गरेर घर आरामका लागी लगिएको थियो । घरमै औषधी सेवन गरी आराम गरिरहनु भएकी आशिकादेवी चन्दको शनिबार कपिलवस्तुको शिवगढीस्थित आफ्नै निवासमा आज बिहान ९ बजे निधन भएको डा. प्रकाश चन्दले जानकारी दिए । टाउको गम्भीर चोट लागेर रगत जमेपछि बयोबृद्ध उमेरका कारण अप्रेसन गर्न नमिलेपछि घरमा लगिएको थियो । उहाँको परिवार, आफन्तजन र पार्टीको सल्लाहमा उहाँको अन्त्यस्टि गरिने नेकपा केन्द्रीय सदस्य एवं कपिलवस्तु जिल्ला इन्चार्ज जुझारुले बताए । आमा आशिकादेवीको ३ छोराहरु विप्लव सी, वीरजंग सी र जयन्द्र सी र छाेरी तुलसा चन्द, लक्ष्मी चन्द र देवा चन्द हुन् ।जेठा छाेराकाे एक बर्ष अगाडि हृदय घातका कारण उपचारका क्रममा मृत्यु भयकाे थियाे ।  माइलो छोरा जयन्द्र चन्द नेकपा निकट खेलकुद महासंघको अध्यक्ष छन्।र विप्लव नेकपा काे महासचिव छन । आदरणीय आमा आशिकादेवी चन्दप्रति तुफान न्युज डटकम अनलाइन  हार्दिक श्रद्धाञ्जली व्यक्त गर्दै महासचिव विप्लवलगायत शोकसन्तप्त परिवारजनमा गहिरो समवेदना व्यक्त गर्दछ ।