बुढानीलकण्ठ, २०७८ माघ २६ – बुढानीलकण्ठको अप्टिमिस्टिक क्लबले ब्रेनल्यान्ड एकेडेमी हलमा युवाहरूको प्रेरणा, स्वास्थ्य सचेतना, र सामाजिक उत्तरदायित्वको विषयमा केन्द्रित विशेष कार्यक्रमको आयोजना गर्यो। ब्रेनल्यान्ड एकेडेमी, पिक प्वाइन्ट स्कूल र नीलोपुलको ब्रेनल्यान्ड एकेडेमीका जुनियर अप्टिमिस्टिक क्लबहरूको सहयोगमा आयोजित यस कार्यक्रममा विद्यार्थी र जुनियर क्लबका सदस्यहरूको सक्रिय सहभागिता रह्यो।
कार्यक्रमका मुख्य विशेषताहरू अप्टिमिस्टिक क्लबकी जोन ३ प्रतिनिधि राधा अनुप्रिया (बोहरा)ले प्रमुख मन्तव्य दिँदै सही खानपान र बसाइको आदतको महत्त्वलाई जोड दिनुभयो। उहाँले अप्टिमिस्टिक क्लब र जुनियर अप्टिमिस्टिक क्लबहरूको उद्देश्य तथा समाजमा सकारात्मक र उत्तरदायी सोच विकास गर्ने भूमिकाबारे प्रकाश पार्नुभयो।
पिक प्वाइन्ट एकेडेमीका प्रिन्सिपल तथा बुढानीलकण्ठ अप्टिमिस्टिक क्लबका अध्यक्ष बिनय श्रेष्ठले यस्ता कार्यक्रमले बालबालिकालाई प्रेरित गर्दै सामाजिक जिम्मेवारी बोध गराउन मद्दत पुर्याउने कुरा औंल्याउनुभयो। ब्रेनल्यान्ड एकेडेमीका भाइस प्रिन्सिपल तथा बुढानीलकण्ठ अप्टिमिस्टिक क्लबका सचिव प्रशान्त दाहालले जुनियर अप्टिमिस्टिक क्लबको आगामी अन्तर्राष्ट्रिय सम्मेलनको योजना प्रस्तुत गर्नुभयो।
ड्यारी इन्टरप्रेनर्स अप्टिमिस्टिक क्लबका सचिव सरोज ओझाले अतिथि व्यक्तिका रूपमा कार्यक्रममा उपस्थिति जनाउनुभएको थियो। स्वास्थ्य सचेतना सत्र स्वास्थ्यकर्मी परिशिद्धी खनालले ँलुकेर रहेको महामारीः लागूऔषध दुर्व्यसनँ शीर्षकमा एक जानकारीमूलक प्रस्तुति गर्नुभयो। उहाँले निम्न विषयहरू समेट्नुभयोः नेपालमा रहेका २३५ पुनर्स्थापना केन्द्रहरूको अवस्था। लागूऔषध दुर्व्यसनका जोखिम र प्रभाव, पुनर्स्थापना, उपचार, र लागूऔषधमुक्त जीवनको महत्त्व। लागूऔषध दुव्र्यसनका कानूनी र सामाजिक परिणाम। रोकथामका उपाय र लागूऔषधलाई ँहोइनँ भन्ने संस्कारको विकास, प्रश्नोत्तर सत्रमा विद्यार्थीहरूले सक्रिय रूपमा भाग लिए र खनालले उनीहरूका जिज्ञासाहरूको जवाफ दिनुभयो।
मानवीय पहल सामाजिक उत्तरदायित्व अन्तर्गत बुढानीलकण्ठ अप्टिमिस्टिक क्लब र जुनियर अप्टिमिस्टिक क्लबले हेपाली हाइटस्थित वृद्धाश्रम रिमा सेवा समाजका ६१ जना ज्येष्ठ नागरिकहरूलाई खाद्यान्न वितरण गरे। चामल, दूध, मटर, बिस्कुट जस्ता खाद्य सामग्री संस्थाका संस्थापकलाई हस्तान्तरण गरियो।
स्वास्थ्य परीक्षण शिविर कार्यक्रम अन्तर्गत वृद्धाश्रमका ज्येष्ठ नागरिकहरूको लागि रक्तचाप र रगतमा चिनीको स्तर मापन गर्ने स्वास्थ्य परीक्षण शिविर पनि आयोजना गरियो। यो प्रयासले वृद्धाश्रमका बासिन्दाहरूको स्वास्थ्य र सुख-सुविधामा टेवा पुर्याएको थियो। यस कार्यक्रमले स्वास्थ्य सचेतना, युवाको प्रेरणा, र सामुदायिक सेवालाई एकैसाथ जोड्दै अप्टिमिस्टिक क्लबहरूको सहकार्यबाट समाजमा सकारात्मक प्रभाव पार्न सफल भएको देखियो।